દીવ :

કોરોના સંક્રમણને અટકાવવા અને ખાસ કરીને વીક એન્ડમાં હજ્જારોની સંખ્યામાં સહેલાણીઓ દમણની મુલાકાતે આવતા હોય છે એવા સંજોગમાં કોરોના સંક્રમણ વધતા દાનહ અને દમણ દીવ પ્રશાસને કોરોના સંક્રમણને રોકવા માટે શનિ રવિ તથા અન્ય જાહેર રજાના દિવસે જાહેર પર્યટન સ્થળો, બીચ, પાર્ક સહિત જ્યાં વધારે ભીડ એકત્ર થાય છે તેને બંધ રાખવા નિર્ણય કર્યો છે. દીવની શાળા, કોલેજમાં કોવીડની સરકારી ગાઈડ લાઈનનું યોગ્ય પાલન કરવાનું રહેશે. તથા દીવના સ્થાનિક લોકો માટે માસ્ક, સેનિટાઈઝર તથા જાહેર જગ્યાઓ પર સોશ્યલ ડિસ્ટન્સનું પાલન કરવું ફરજીયાત છે.

દિવ ડેપ્યુટી કલેકટર હરમંદિર સિંધે 3 કેસ નોંધાયા અંગે આપી જાણકારી.દિવ નાં વણાંકબારા ખાતે 3 વ્યક્તીઓને રેપિડ ટેસ્ટ રિપોર્ટ કોરોના પૉસેટિવ આવતા ત્રણેય વ્યક્તિઓને દિવ સરકારી હોસ્પિટલ ખાતે ખસેડવામાં આવ્યા. અને આ વિસ્તાર ને કોંટાઇન્મેન્ટ ઝોને જાહેર કરવામાં આવેલ છે.

સંઘપ્રદેશના હેલ્થ અને ફેમિલી વેલ્ફેર વિભાગના સેક્રેટરી એ. મુથમ્માએ જણાવ્યું કે, પડોશના ગુજરાત અને મહારાષ્ટ્રમાં કોરોના કેસમાં વધારો થઇ રહ્યો છે. શનિ અને રવિવારની રજામાં અંદાજે 20 હજારથી વધુ લોકો દમણ આવે છે. આ દિવસોમાં બીચ, જમ્પોર સી ફેસ રોડ, પાર્ક અને અન્ય જાહેર સ્થળ ઉપર પ્રતિબંધ ફરમાવ્યો છે. સહેલાણીઓ દમણની હોટલ કે રીસોર્ટમાં રોકાવા માગે તો 72 કલાક પહેલાનો કોવિડ નેગેટિવ રીપોર્ટ પણ રજૂ કરવાનો રહેશે.