મહારાષ્ટ્રમાં મોટી રેલ દુર્ઘટના, 8 નાં મોત:ટ્રેનમાં આગની અફવાથી મુસાફરો કૂદ્યા; સામેથી આવી રહેલી ટ્રેન નીચે લોકો કચડાયા
મહારાષ્ટ્રના જલગાંવમાં પરાંડા રેલવે સ્ટેશન પાસે એક ખૂબ જ ગંભીર અકસ્માત થયો છે. પુષ્પક એક્સપ્રેસમાં આગ લાગવાની અફવાને કારણે મુસાફરોએ ટ્રેનમાંથી કૂદી પડ્યા. મુસાફરોએ પોતાનો જીવ બચાવવા માટે કૂદી પડ્યા હતા. સામેથી આવી રહેલી બેંગલુરુ એક્સપ્રેસ નીચે 20થી વધુ લોકો કચડાયા છે. આ અકસ્માતમાં ઘણા લોકોના મોતની આશંકા છે. આ ભયાનક અકસ્માતે જલગાંવમાં પણ ભયનો માહોલ સર્જ્યો છે.
આગ લાગવાના ડરથી મુસાફરો પાટા પર કૂદી પડ્યા
પ્રાથમિક માહિતી મુજબ, અચાનક બ્રેક મારવાથી પુષ્પક એક્સપ્રેસના પૈડામાંથી આગના તણખા નીકળ્યા હતા. પછી, આગના ડરથી, મુસાફરો પોતાનો જીવ બચાવવા માટે પાટા પર કૂદી પડ્યા. જોકે, મુસાફરોએ સામેથી આવી રહેલી બીજી ટ્રેન જોઈ નહીં.
ગ્રામ્ય હોસ્પિટલમાં સારવાર ચાલુ
બેંગલુરુ એક્સપ્રેસ સાથેની ટક્કરમાં ઘણા લોકોના મોત થયા હોવાની આશંકા છે. ઘાયલોને નજીકના ગ્રામીણ હોસ્પિટલમાં દાખલ કરવામાં આવ્યા છે.
રેલવે ટ્રેક ઓળંગતી વખતે અકસ્માત થયો- ગુલાબરાવ પાટિલ
રાજ્યના પાણી પુરવઠા મંત્રી અને જલગાંવના પાલક મંત્રી ગુલાબરાવ પાટીલે કહ્યું છે કે રેલવે ટ્રેક ઓળંગતી વખતે આ અકસ્માત થયો હતો. એવો દાવો કરવામાં આવી રહ્યો છે કે આ ટ્રેન અકસ્માત રેલવે ટ્રેક ક્રોસ કરતી વખતે થયો હતો. આ ઘટના અંગે હજુ માહિતી આવવાની બાકી છે. તેમણે કહ્યું કે વહીવટીતંત્ર કોઈપણ પરિસ્થિતિમાં મુસાફરોને મદદ કરવા તૈયાર છે.