દેશના ચીફ જસ્ટિસ એનવી રમન્નાએ મીડિયાને આડે હાથ લેતા એક મોટું નિવેદન આપ્યું
દેશના મીડિયા પર એન વી રમન્ના ચીફ જસ્ટિસ બરાબરના ભડક્યાં છે. ચીફ જસ્ટિસ ઝારખંડના એક કાર્યક્રમમાં મીડિયાને ટપારતા કહ્યું કે મનફાવી તેવી કોર્ટ ચલાવી રહ્યાં છે. તેમણે કહ્યું કે અમે જોઈ રહ્યા છીએ કે મીડિયા મનસ્વી અદાલતો ચલાવી રહ્યું છે. આ કારણે ઘણી વખત અનુભવી જજોને પણ સાચા-ખોટા નિર્ણય લેવામાં મુશ્કેલી પડતી હોય છે. “ઘણા ન્યાયિક મુદ્દાઓ પર ખોટી માહિતી અને એજન્ડા ચલાવવા લોકશાહી માટે હાનિકારક સાબિત થઈ રહ્યા છે.
ચીફ જસ્ટિસે કહ્યું, “અમે અમારી જવાબદારીઓથી ભાગી શકીએ નહીં. આ વલણ આપણને બે પગલા પાછળ લઈ રહ્યું છે. પ્રિન્ટ મીડિયામાં હજુ પણ અમુક અંશે જવાબદારી છે, પરંતુ ઇલેક્ટ્રોનિક મીડિયા જરા પણ જવાબદાર નથી.
ચીફ જસ્ટિસે રમણાએ કહ્યું, જસ્ટિસ સામાજિક વાસ્તવિકતાઓ તરફ આંખ આડા કાન કરી શકતા નથી. જસ્ટિસે સમાજને બચાવવા અને સંઘર્ષોને ટાળવા માટે વધુ દબાણયુક્ત કેસોને પ્રાધાન્ય આપવું પડશે. “વર્તમાન સમયમાં ન્યાયતંત્ર સમક્ષ સૌથી મોટો પડકાર નિર્ણયો માટે બાબતોને પ્રાધાન્ય આપવાનો છે.
ચીફ જસ્ટિસે કહ્યું કે રાજકારણીઓ, અમલદારો, પોલીસ અધિકારીઓને નિવૃત્તિ પછી પણ ઘણીવાર સુરક્ષા આપવામાં આવે છે. વિડંબણા એ છે કે જસ્ટિસને તેમના જેવું રક્ષણ મળતું નથી. “તાજેતરના સમયમાં, ન્યાયાધીશો પર શારીરિક હુમલાઓ વધી રહ્યા છે. ન્યાયાધીશોએ તે જ સમાજમાં સુરક્ષા વિના રહેવું પડશે જેમાં તેમના દ્વારા દોષિત ઠેરવવામાં આવેલા લોકો રહે છે.
સીજેઆઈએ કહ્યું, ભારતીય ન્યાયિક પ્રક્રિયામાં લોકો ઘણી વાર લાંબા સમયથી પેન્ડિંગ કેસોની ફરિયાદ કરે છે. અનેક પ્રસંગોએ મેં પોતે પડતર કેસોની સમસ્યાઓ પર પ્રકાશ પાડ્યો છે. હું ન્યાયાધીશોને તેમની સંપૂર્ણ ક્ષમતા સાથે કાર્ય કરવા સક્ષમ બનાવવા માટે ભૌતિક અને વ્યક્તિગત એમ બંને પ્રકારના માળખાગત સુવિધામાં સુધારો કરવાની જરૂરિયાતની ભારપૂર્વક હિમાયત કરું છું. “લોકોએ એક ગેરસમજ ઉભી કરી છે કે ન્યાયાધીશોનું જીવન ખૂબ જ સરળ છે આવી બાબત પચાવવી ખૂબ અઘરી હોય છે.