NSA સાઉદી અરેબિયામાં અજીત ડોભાલની કૂટનીતિક પહેલ, સુરક્ષા અને ઉર્જા સહયોગ પર ભાર
NSA ભારતના રાષ્ટ્રીય સુરક્ષા સલાહકાર (NSA) અજીત ડોભાલે પશ્ચિમ એશિયામાં બદલાતા ભૂરાજકીય ઘટનાક્રમ વચ્ચે ભારત-સાઉદી અરેબિયા વચ્ચે સુરક્ષા અને ઉર્જા સહયોગને વધુ મજબૂત બનાવવા માટે સાઉદી અરેબિયાની રાજધાની રિયાદની ઉચ્ચસ્તરીય મુલાકાત લીધી.
NSA રિયાદ પહોંચતા જ અજીત ડોભાલનું સ્વાગત સાઉદી અરેબિયાના વિદેશ મંત્રાલયમાં રાજકીય મામલાઓના ઉપમંત્રી ડો. સઉદ અલ-સાતી અને ભારતમાં સાઉદી અરેબિયાના રાજદૂત ડો. સુહેલ ખાને કર્યું. ભારતીય દૂતાવાસે પણ સોશિયલ મીડિયા પ્લેટફોર્મ ‘એક્સ’ પર આ મુલાકાતની માહિતી અને તસવીરો શેર કરી.
NSA મુલાકાત દરમિયાન ડોભાલે સાઉદી અરેબિયાના ઉર્જા મંત્રી પ્રિન્સ અબ્દુલઅજીઝ બિન સલમાન, વિદેશ મંત્રી પ્રિન્સ ફૈસલ બિન ફરહાન અને રાષ્ટ્રીય સુરક્ષા સલાહકાર ડો. મુસાએદ અલ-અઈબાન સાથે અલગ-અલગ બેઠક યોજી.
NSA બેઠકોમાં ભારત-સાઉદી અરેબિયા વચ્ચેના દ્વિપક્ષીય સંબંધો, ક્ષેત્રીય સુરક્ષા, ઉર્જા સહયોગ અને પરસ્પર હિતના વિવિધ મુદ્દાઓ પર વિસ્તૃત ચર્ચા કરવામાં આવી. આતંકવાદ સામે સંયુક્ત કાર્યવાહી, ગુપ્તચર માહિતીની આપ-લે અને સુરક્ષા સહયોગને વધુ મજબૂત બનાવવા પર પણ ભાર મૂકાયો.
NSA પશ્ચિમ એશિયામાં વધતા તણાવ અને વૈશ્વિક ઉર્જા પુરવઠા અંગે ઊભી થયેલી ચિંતાઓ વચ્ચે આ મુલાકાતને વિશેષ મહત્વ આપવામાં આવી રહ્યું છે. ભારત વિશ્વના સૌથી મોટા કાચા તેલ આયાતકારોમાંનું એક છે અને તેની કુલ તેલ જરૂરિયાતમાંથી આશરે 14 ટકા પૂરવઠો સાઉદી અરેબિયાથી થાય છે.
ભારતીય દૂતાવાસના જણાવ્યા અનુસાર, બંને દેશો દરિયાઈ વેપાર માર્ગોની સુરક્ષા, સ્થિર ઉર્જા પુરવઠો અને વ્યૂહાત્મક ભાગીદારીને વધુ મજબૂત બનાવવા માટે સતત સાથે મળીને કાર્ય કરી રહ્યા છે. આ મુલાકાત ભારત-સાઉદી સંબંધોને નવી દિશા આપનારી મહત્વપૂર્ણ પહેલ તરીકે જોવામાં આવી રહી છે.
