ડિસેમ્બર 2021માં લોકસભામાં પૂછયેલા એક સવાલના જવાબમાં સરકારે જણાવ્યું હતું કે 12 ડિસેમ્બર 2021ની સ્થિતિએ દેશમાં 27.34 કરોડ વાહનો છે જેમાંથી 8.77 લાખ ઇલેક્ટ્રિક વ્હીકલ છે. પરિવહન વિભાગના આંકડા મુજબ 2 ફેબ્રુઆરી 2022 સુધીમાં દેશમાં 28.24 કરોડ વાહનો છે અને તેમાંથી 10 લાખ EV છે.
ટ્રાન્સપોર્ટ ડીપાર્ટમેન્ટના આંકડા મુજબ દેશમાં 10 લાખ ઇલેક્ટ્રિક વ્હીકલનું રજીસ્ટ્રેશન થયું છે. જેમાંથી 2.58 લાખ EV તો એકલા ઉત્તર પ્રદેશમાં નોંધાયેલા છે. આ સિવાય દિલ્હીમાં 1.26 લાખ અને 72,000 ઈ-વ્હીકલ સાથે કર્ણાટક ત્રીજા ક્રમે છે. વર્ષ 2020માં ભારતમાં 1.19 લાખ EV રજિસ્ટર્ડ થયા હતા તેની સામે 2021માં નોંધણી 160% વધીને 3.11 લાખ પર પહોંચી છે અને 2022માં 2 ફેબ્રુઆરી સુધીમાં જ 50,537 ઇલેક્ટ્રિક વાહનો નોંધાય છે.