Congo કોંગોમાં ઇબોલાનો કહેર યથાવત: 906 શંકાસ્પદ કેસ, 223નાં મોત
Congo આફ્રિકાના દેશ કોંગોમાં ઇબોલા વાયરસ ફરી એકવાર ગંભીર ચિંતા બની રહ્યો છે. વિશ્વ આરોગ્ય સંસ્થા (WHO) દ્વારા જાહેર કરાયેલા તાજા આંકડા અનુસાર દેશમાં ઇબોલાના 906 શંકાસ્પદ કેસ નોંધાયા છે, જેમાં અત્યાર સુધી 223 લોકોના મોત થયા હોવાનું જણાવાયું છે.
Congo WHO અનુસાર, અત્યાર સુધી 125 કેસોની સત્તાવાર રીતે પુષ્ટિ કરવામાં આવી છે. આરોગ્ય વિભાગ અને આંતરરાષ્ટ્રીય ટીમો દ્વારા સતત તપાસ અને સારવારની કામગીરી ચાલી રહી છે.
Congo વિશેષ ચિંતા એ બાબતની છે કે કોંગોમાં ઇબોલાના “બુંદીબુગ્યો” સ્ટ્રેનનું સંક્રમણ ઝડપથી ફેલાઈ રહ્યું છે. આ સ્ટ્રેન ઇબોલાના અન્ય પ્રકારો કરતાં અલગ માનવામાં આવે છે અને તેના કારણે આરોગ્ય તંત્ર વધુ સતર્ક બન્યું છે.
Congo પડોશી દેશ યુગાન્ડામાં પણ ઇબોલાના કેટલાક કેસ નોંધાયા હોવાના અહેવાલો સામે આવ્યા છે, જેના કારણે સમગ્ર વિસ્તારમાં ચિંતા વધી છે. WHO અને સ્થાનિક સરકારો લોકોમાં જાગૃતિ લાવવા, ટેસ્ટિંગ વધારવા અને સંક્રમણ રોકવા માટે વિશેષ અભિયાન ચલાવી રહી છે.
Congo આરોગ્ય નિષ્ણાતોનું કહેવું છે કે સમયસર સારવાર અને સાવચેતી રાખવામાં આવે તો ઇબોલાના ફેલાવાને નિયંત્રિત કરી શકાય છે. લોકોને ભીડભાડથી દૂર રહેવા, સ્વચ્છતા જાળવવા અને લક્ષણો દેખાય તો તરત આરોગ્ય કેન્દ્રનો સંપર્ક કરવાની સલાહ આપવામાં આવી છે.