કપિલ શર્માએ હાલમાં જ તેની ફિલ્મ ‘મેગા બ્લોકબસ્ટર’ની જાહેરાત કરી છે. આ ફિલ્મમાં તેની સાથે સાઉથની સુપરહિટ અભિનેત્રી રશ્મિકા મંદન્ના જોવા મળશે. તમે ચોંકી જશો કે દીપિકા પાદુકોણ પણ આ ફિલ્મમાં એન્ટ્રી કરવા જઈ રહી છે. દીપિકાએ પોતે પોતાના ઈન્સ્ટાગ્રામ એકાઉન્ટ પરથી આ ફિલ્મનું પોસ્ટર શેર કરીને આ માહિતી આપી છે. કપિલને દીપિકા સાથે ફિલ્મી પડદે જોવા માટે ફેન્સ ખૂબ જ ઉત્સાહિત થઈ ગયા છે. આ સાથે જ કપિલ શર્માનું દીપિકા સાથે કામ કરવાનું સપનું પણ પૂરું થવા જઈ રહ્યું છે.દીપિકા પાદુકોણે ‘મેગા બ્લોકબસ્ટર’માંથી પોતાનો લુક શેર કર્યો છે જેમાં તે ગુલાબી સૂટમાં ખૂબ જ સુંદર લાગી રહી છે. આ પોસ્ટર સાથે તેણે લખ્યું છે, ‘સરપ્રાઈઝ.’ વાસ્તવમાં દીપિકાએ આ સમાચારથી ફેન્સને ચોંકાવી દીધા છે. કપિલ શર્મા તેના કોમેડી શોમાં દીપિકા સાથે જોરદાર ફ્લર્ટ કરતો જોવા મળ્યો છે. તેની સાથે રોમાન્સ કરવાનું તેનું સપનું આ ફિલ્મમાં પૂરું થશે કે નહીં? હાલમાં તો ફિલ્મના માત્ર પોસ્ટર જ સામે આવ્યા છે, હવે જ્યારે ફિલ્મનું ટ્રેલર 4 સપ્ટેમ્બરે રિલીઝ થશે ત્યારે ફિલ્મમાં કોણ કયા રોલમાં જોવા મળશે તે અંગે પણ પડદો ઉંચકાશે.
સૌરવ ગાંગુલી ડેબ્યૂ કરશે
જ્યારે દીપિકા પાદુકોણ અને કપિલ શર્મા ફિલ્મ ‘મેગા બ્લોકબસ્ટર’માં જોવા મળશે, તો ‘પુષ્પા’ અભિનેત્રી રશ્મિકા મંદન્ના પણ ફિલ્મમાં મહત્વની ભૂમિકામાં જોવા મળશે. પૂર્વ ક્રિકેટર સૌરવ ગાંગુલી પણ આ ફિલ્મથી બોલિવૂડમાં ડેબ્યૂ કરવા જઈ રહ્યો છે. ક્રિકેટની પીચ બાદ આ ફિલ્મમાં ભારતીય ટીમના કેપ્ટન અને અનુભવી બેટ્સમેન રોહિત શર્મા પણ જોવા મળવાના છે. રોહિતની પણ આ ડેબ્યુ ફિલ્મ છે.
વર્ક ફ્રન્ટની વાત કરીએ તો દીપિકા પાદુકોણ ટૂંક સમયમાં જ શાહરૂખ ખાન સાથે ફિલ્મ ‘પઠાણ’માં જોવા મળશે. આ સિવાય ફિલ્મ ‘સર્કસ’ અને ‘જવાન’માં તેનો કેમિયો રોલ જોવા મળશે. ‘પ્રોજેક્ટ કે’ પણ દીપિકાની આગામી ફિલ્મ છે.