gujarat monsoon update : ગુજરાતમાં વરસાદ ધીમો પડશે? સુપર ટાયફૂન ‘બાવી’ની અસરથી ચોમાસું નબળું પડવાની આશંકા
gujarat monsoon update : દેશમાં ચોમાસું સક્રિય હોવા છતાં ગુજરાત માટે ચિંતાજનક સંકેતો સામે આવ્યા છે. હવામાન વિભાગની તાજેતરની સેટેલાઇટ તસવીરો અનુસાર મધ્ય અને પૂર્વ ભારતના વિસ્તારોમાં વાદળોનું પ્રભુત્વ જોવા મળી રહ્યું છે, જ્યારે ગુજરાત સહિત દેશના પશ્ચિમી વિસ્તારોમાં વાદળોની સંખ્યા ઓછી નોંધાઈ રહી છે.
સેટેલાઇટ ઇમેજ મુજબ મધ્ય પ્રદેશ, છત્તીસગઢ, ઝારખંડ, બિહાર, પશ્ચિમ બંગાળ અને પૂર્વોત્તર રાજ્યોમાં ચોમાસું વધુ સક્રિય છે. બીજી તરફ ગુજરાત, રાજસ્થાન, હરિયાણા અને પંજાબ જેવા રાજ્યોમાં આગામી દિવસોમાં વરસાદની સંભાવના ઓછી રહેવાની શક્યતા વ્યક્ત કરવામાં આવી રહી છે.
gujarat monsoon update : આ દરમિયાન ફિલિપિન્સ નજીક પ્રશાંત મહાસાગરમાં સર્જાયેલ સુપર ટાયફૂન ‘બાવી’ પણ દેશના ચોમાસા પર પરોક્ષ અસર કરી શકે તેવી ચર્ચા છે. આ વાવાઝોડું તાઇવાન અને ચીન તરફ આગળ વધી રહ્યું છે અને તેની અસર બંગાળની ખાડીના હવામાન પર પણ જોવા મળી રહી હોવાનું માનવામાં આવે છે.
હવામાન નિષ્ણાતોના જણાવ્યા મુજબ, જ્યાં સુધી આ ટાયફૂન ચીન તરફ આગળ વધીને નબળું નહીં પડે, ત્યાં સુધી બંગાળની ખાડીમાં વરસાદ લાવનારી નવી લો-પ્રેશર સિસ્ટમ બનવાની શક્યતા ઓછી છે. તેના કારણે આગામી બે-ત્રણ દિવસ દરમિયાન દેશના અનેક ભાગોમાં વરસાદની ગતિ ધીમી પડી શકે છે. વ્યાપક અને સારા વરસાદ માટે અંદાજે એક અઠવાડિયાની રાહ જોવી પડી શકે છે.
gujarat monsoon update : ખેડૂતો અને વરસાદ પર આધારિત વિસ્તારો માટે આ સ્થિતિ ચિંતાજનક બની શકે છે. જોકે હવામાન સંબંધિત પરિસ્થિતિમાં સતત ફેરફાર થતો હોવાથી આગામી દિવસોમાં ભારતીય હવામાન વિભાગ દ્વારા જાહેર કરવામાં આવતી સત્તાવાર આગાહી પર નજર રાખવી જરૂરી છે.
