ગુજરાત એટીએસ અને કોસ્ટગાર્ડે ૧૫૦ કરોડની કિંમતના હેરોઇન સાથે આઠ પાકિસ્તાની ઝડપી લીધા એક તરફ સમગ્ર દેશની સાથે કચ્છમાં પણ કોરોના મહામારીએ તંત્રને દોડતું કરી દીધું છે ત્યારે પાકિસ્તાનની નાપાક ખુફિયા એજન્સી દ્વારા કચ્છની જળ સીમાએથી હેરોઈન ઘુસાડવાનો કરેલો પ્રયાસ સલામતી તંત્રોએ નિષ્ફળ બનાવ્યો છે ગુજરાત એટીએસ અને કોસ્ટ ગાર્ડ દ્વારા સંયુક્ત ઓપરેશન પાર પાડીને ૧૫૦ કરોડની કિંમતના 30 કિલો હેરોઇનના જથ્થા સાથે પાકિસ્તાની બોટને આંતરી આઠ પાકિસ્તાની નાપાક તત્વોને ઝડપી લીધા છે. સૂત્રોમાંથી મળતી માહિતી પ્રમાણે ગુજરાત એટીએસ અને કોસ્ટ ગાર્ડની ટીમે પૂર્વ બાતમીના આધારે જખો નજીક જળસીમામાં વોચ ગોઠવી એક પાકિસ્તાની બોટને આંતરી બોટમાં સવાર આઠ પાકિસ્તાની શખ્સોને અટકમાં લઈ બોટની તલાશી લેતા તેમાંથી ૧૫૦ કરોડની કિંમતના 30 કિલો હેરોઇનના પેકેટ કબ્જે કર્યા હતા. એટીએસ અને કોસ્ટ ગાર્ડ દ્વારા હાથ ધરાયેલા આ સફળ ઓપરેશન બાદ ઝડપાયેલા શખ્સોની ઘનિષ્ઠ પૂછપરછ હાથ ધરાઈ છે જેમાં હેરોઇનના જથ્થા ક્યાં અને કોને આપવાનો હતો તેની વિગતો ખુલવાની શક્યતા જોવાઇ રહી છે જોકે આ જથો અબડાસાના જખૌ ગામમાં જ અપવાનો હતો જેની વીગતો સામે આવી રહી છે વધુ વિગત ઘુસણખોરી કરનારાઓ આઠ શખ્સો પાસેથી પૂછતાછમાં મળશે તેવું તપાસનીસો દ્વારા જણાવાયું છે. લાંબા સમય બાદ પાકિસ્તાની શખ્સો દ્વારા હેરોઇનનો જથો ઘુસાડવાના થયેલા આ પ્રયાસમાં કચ્છની વિવિધ એજન્સીઓમાં સનસનાટી મચાવી દીધી છે નોંધનીય છે કે તાજેતરમાં અબડાસાના સુથરી ગામેથી પણ ૧૭ કિલો ચરસના જથ્થા સાથે ત્રણ ઈસમોને પકડી પાડવામાં આવ્યા છે.
