THEFT IN 4 TEMPLE AT PARNERA : પારનેરા ડુંગરના 4 મંદિરોમાં ચાંદીના ઘરેણાં અને દાનપેટીની રકમ લઈને તસ્કરો ફરાર
વલસાડના પ્રસિદ્ધ પારનેરા ડુંગર પર આવેલા ચાર મંદિરોમાં તસ્કરોએ ચોરી કરી છે. તસ્કરો મંદિરોમાંથી ચાંદીના ઘરેણાં અને દાનપેટીમાં મૂકેલી રોકડ રકમ લઈને ફરાર થયા છે. સમગ્ર ઘટના મંદિરના સીસીટીવી કેમેરામાં કેદ થઈ છે.
વલસાડ રૂરલ પોલીસે તાત્કાલિક કાર્યવાહી શરૂ કરી છે. પોલીસે ડોગ સ્કવોડ બોલાવી છે. ટેક્નિકલ સર્વેલન્સ અને FSLની ટીમ ઘટનાસ્થળે પહોંચી છે. પોલીસ તસ્કરોની ઓળખ અને તેમની ટોળકી સુધી પહોંચવા પ્રયાસ કરી રહી છે.
આ ઘટનાએ પોલીસની નાઈટ પેટ્રોલિંગ વ્યવસ્થા અને બાતમીદાર નેટવર્ક અંગે પ્રશ્નો ઉભા કર્યા છે. સ્થાનિક લોકો અને ભક્તોમાં આ ઘટનાને લઈને નારાજગી જોવા મળી રહી છે. મંદિર પરિસરની સુરક્ષા વ્યવસ્થા અંગે પણ ચિંતા વ્યક્ત કરવામાં આવી રહી છે.