મહારાષ્ટ્રમાં માતા બાજુમાં જુદી હતી અને બારી પાસે બેઠેલા બાળકનું 12મા માળેથી પડતા મોત.
હાઈ રાઈઝ સોસાયટીમાં બાળકો પડી જવાની ઘટનાઓ સતત સામે આવી રહી છે. મુંબઈના વસઈમાં એક આવી જ ઘટના સામે આવી છે. હકીકતમાં વસઈના પૂર્વના નાયગામમાં એક બિલ્ડિંગના 12માં માળેથી 4 વર્ષની બાળકીનું પડી જવાથી મોત થયું છે. ઘટનાનું સીસીટીવ ફુટેઝ સામે આવ્યું છે. મૃતક બાળકીનું નામ અવનિકા પ્રજાપતિ છે અને આ ઘટના નાયગામના પૂર્વમાં આવેલા નવકાર બિલ્ડિંગમાં થયો છે.
હકીકતમાં અનવિકા તેની માતા સાથે ઘરની બહાર જઈ રહી હતી, ત્યારે માતાએ ફ્લેટની બહાર દરવાજા પર રાખેલા ચંપલના કબાટ ઉપર બાળકીને બેસાડી દીધી. વીડિયોમાં જોઈ શકાય છે કે, બારી ખુલ્લી હતી. એ સમયે માતાનું ધ્યાન બીજે ક્યાંક ગયું હતું, ત્યારે બાળકીએ પોતાનું બેલેન્સ ગુમાવ્યું અને 12મા માળેથી બારીમાંથી નીચે પડી ગઈ હતી.
માતાની ચીસો સાંભળીને આસ-પાસના લોકો લોકો બહાર દોડી આવ્યા હતા. ઘરમાંથી એક યુવાન બાળકીને બચાવવા માટે નીચે દોડે છે. ત્યાર બાદ અવનિકાને સારવાર માટે તાત્કાલિક વસઈની સર ડી.એમ. પેટિટ હોસ્પિટલમાં દાખલ કરવામાં આવી હતી, પરંતુ ડોક્ટરોએ તેને મૃત જાહેર કરી હતી. નાયગાંવ પોલીસે કેસ નોંધ્યી અને વધુ તપાસ શરુ કરી છે.