Voter ID Card : માત્ર 15 દિવસમાં ચૂંટણી કાર્ડ જાહેર કરવાનો દાવો, જાણો તમે કેવી રીતે ટ્રેક કરી શકો છો?
Voter ID Card : મુખ્ય ચૂંટણી કમિશનરે જાહેરાત કરી છે કે, નવી ફાસ્ટ-ટ્રેક સિસ્ટમ 18 જૂનથી શરૂ કરવામાં આવી છે. તેના હેઠળ હવે નવું મતદાર કાર્ડ મળવાં કે હવે મોજૂદા કાર્ડમાં ફેરફાર કરાવવો હોય-બંને માટે માત્ર 15 દિવસની અંદર કાર્ડ મળવાનું શક્ય બનશે.
Voter ID Card : બિહારમાં આગામી વિધાનસભા ચૂંટણીઓ ધીરે ધીરે નજીક આવી રહી છે અને તેની તૈયારીઓને વધુ સુચારૂ બનાવવા માટે ભારતીય ચૂંટણી પંચ (ECI) દ્વારા એક ક્રાંતિકારી પગલું ભરવામાં આવ્યું છે. હવ નવા મતદારો માટે માત્ર 15 દિવસમાં મતદાર ઓળખપત્ર (EPIC કાર્ડ) ઘરે પહોંચાડવાની વ્યવસ્થા અમલમાં મૂકી દેવામાં આવી છે.
Voter ID Card : 15 દિવસમાં નવા મતદાર ID!
મુખ્ય ચૂંટણી કમિશનર જ્ઞાનેશ કુમારે જાહેરાત કરી છે કે, આ નવી ફાસ્ટ-ટ્રેક સિસ્ટમ 18 જૂનથી શરૂ કરવામાં આવી છે. તેના હેઠળ હવે નવું મતદાર કાર્ડ મળવાં કે હવે મોજૂદા કાર્ડમાં ફેરફાર કરાવવો હોય-બંને માટે માત્ર 15 દિવસની અંદર કાર્ડ મળવાનું શક્ય બનશે.
આ પહેલથી માત્ર પ્રક્રિયા ઝડપી બનશે નહિ, પરંતુ મતદારોના સમય અને શ્રમમાં પણ નોંધપાત્ર બચત થશે. અગાઉ જ્યાં કાર્ડ મેળવવા માટે મહિનાઓ સુધી રાહ જોવી પડતી હતી, હવે એ આખી પ્રક્રિયા ડિજિટલ થઈ ગઈ છે.
ડિજિટલ પ્રક્રિયા-સરળ અને પારદર્શક
આ અગાઉ સુધી મતદાર કાર્ડના બનાવટ અને ડિલિવરી સંબંધિત કામગીરી ઘણીવાર મેન્યુઅલી થતી હતી જેના કારણે વિલંબ થતો. હવે આખી સિસ્ટમ ડિજિટલાઈઝ કરવામાં આવી છે, જેથી ટ્રેકિંગ અને ડિલિવરી બન્ને ઝડપથી અને પારદર્શી રીતે થઈ શકે. કાર્ડ તૈયાર થતાની સાથે જ મતદારોને SMS દ્વારા જાણ કરવામાં આવે છે જેથી તેમને કોઈ પણ અણધારી સ્થિતિનો સામનો ન કરવો પડે.
તમારા EPIC કાર્ડ હવે તમે ઘરે બેઠા ઓનલાઇન ટ્રેક કરી શકો છો. તેની પ્રક્રિયા ખૂબ જ સરળ છે. નીચે આપેલા પગલાં અનુસરો:
સ્ટેપ 1 : રાષ્ટ્રીય મતદાતા સેવા પોર્ટલ (NVSP) ની સત્તાવાર વેબસાઇટ પર જાઓ: https://voters.eci.gov.in
સ્ટેપ 2 : તમારું યુઝર ID અને પાસવર્ડ દાખલ કરીને તમારું એકાઉન્ટ લોગિન કરો.
સ્ટેપ 3 : હોમપેજ પરથી “Track Application Status” વિકલ્પ પસંદ કરો.
સ્ટેપ 4 : અરજી દરમ્યાન મળેલો સંદર્ભ નંબર (Reference Number) દાખલ કરો.
સ્ટેપ 5 : તમારું રાજ્ય પસંદ કરો અને સબમિટ બટન ક્લિક કરો.
સ્ટેપ 6 : તમારું વોટર ID સ્ટેટસ તમારી સ્ક્રીન પર દેખાશે.