TORNADO IN US : 8 રાજ્યોમાં 40 ટોર્નેડોએ તરખાટ મચાવી દીધો છે
અમેરિકામાં 8 રાજ્યોમાં અત્યારસુધીમાં 40 ટોર્નેડોએ તરખાટ મચાવી દીધો છે. જેના લીધે હજારો લોકોના ઘર બરબાદ થઈ ગયા છે. જ્યાં જુઓ ત્યાં કાટમાળ જ જોવા મળી રહ્યો છે. કેટલાક લોકોની ગાડીઓના પણ ફૂરચા બોલી ગયા છે. આ ભયાનક ટોર્નેડોના તરખાટ વચ્ચે અત્યારસુધી 34 લોકોના મોત નીપજ્યા છે. આની સાથે સાથે 2 લાખથી વધુ ઘરોની વીજળી ગુલ થઈ ગઈ છે. અલાબામા, મિસિસિપી, લુઇસિયાના, ઇન્ડિયાના, અરકાનસાસ, મિઝોરી, ઇલિનોઇસ અને ટેનેસી સ્ટેટમાં હજુ પણ વધારે ટોર્નેડો આવી શકે છે. મીડિયા અહેવાલ મુજબ, આ રાજ્યોમાં અત્યારસુધીમાં 40 ટોર્નેડો આવ્યા છે. હવામાન વિભાગે આશંકા વ્યક્ત કરી છે કે પરિસ્થિતિ વધુ ગંભીર બની શકે છે.
TORNADO IN US : શનિવાર અને રવિવારે અત્યાર સુધીમાં 34 લોકોએ જીવ ગુમાવ્યા છે. મિઝોરીમાં સૌથી વધુ 12 લોકોના મોત થયા છે. આ ટોર્નેડોની અસર 10 કરોડ લોકો પર થઈ ગઈ છે. 2 લાખ ઘરોમાં અત્યારે વીજળી ગુલ થઈ ગઈ છે. કેન્સાસમાં ટોર્નેડોના કારણે હાઇવે પર લગભગ 50 વાહનો અથડાયા હતા. આમાં 8 લોકોના મોત થયા હતા. મિસિસિપીમાં છ લોકોના મોત થયા હતા અને ત્રણ ગુમ થયા હતા.
TORNADO IN US : 100 કિમી/કલાકની ઝડપે ત્યાં બાદમાં ધૂળનું તોફાન પણ ફૂંકાઈ રહ્યું છે. અરકાનસાસમાં 265 કિમી/કલાકની ઝડપે વાવાઝોડું આવ્યું હતું. આનાથી બિલ્ડિંગ્સ અને રસ્તાઓ બરબાદ થઈ ગયા હતા. કેનેડાની બોર્ડર પર બરફના તોફાન અને ગરમ વિસ્તારોમાં જંગલમાં આગ લાગવાની શક્યતાઓ પણ જોવા મળી રહી છે.
TORNADO IN US : ટોર્નેડોની ઝડપ વધશે, બેઝબોલની સાઈઝનાં કરા પડશે
યુએસ સ્ટોર્મ પ્રિડિક્શન સેન્ટરે દાવો કર્યો હતો કે આ ઝડપથી આગળ વધતા વાવાઝોડા ગંભીર ખતરો પેદા કરી શકે છે. આજે ઘણા રાજ્યોમાં બેઝબોલના કદના કરા અને વાવાઝોડા પણ આવી શકે છે.પૂર્વ લુઇસિયાના, મિસિસિપી, અલાબામા, પશ્ચિમ જ્યોર્જિયા અને ફ્લોરિડામાં વાવાઝોડાની ચેતવણી આપવામાં આવી છે. ટેક્સાસ, કેન્સાસ, મિઝોરી અને ન્યુ મેક્સિકો જંગલમાં આગના જોખમમાં છે.
TORNADO IN US : ટેક્સાસ, ઓક્લાહોમા, મિઝોરી, ઇલિનોઇસ, ઇન્ડિયાના અને મિશિગનમાં ભારે પવનને કારણે 200,000થી વધુ ઘરોમાં વીજળી ગુલ થઈ ગઈ છે.
રાષ્ટ્રીય હવામાન સેવાએ દક્ષિણ ડાકોટા અને પશ્ચિમ મિનેસોટાના કેટલાક ભાગો માટે બરફવર્ષાની ચેતવણી જારી કરી છે. આ વિસ્તારોમાં 6 ઇંચ સુધી બરફ પડવાની શક્યતા છે.
TORNADO IN US : જાન્યુઆરીમાં અમેરિકાના ઘણા દક્ષિણ રાજ્યોમાં ભારે હિમવર્ષા થઈ હતી. આ વાવાઝોડાને કારણે 10 લોકોના મોત થયા હતા, જ્યારે 2100થી વધુ ફ્લાઇટ્સ રદ કરવામાં આવી હતી. મિસિસિપી, અલાબામા, ફ્લોરિડા, જ્યોર્જિયા અને લુઇસિયાના સહિત ઘણા રાજ્યોએ કટોકટી જાહેર કરી હતી.
TORNADO IN US : ડિસેમ્બરમાં હિંદ મહાસાગરના માયોટમાં ચક્રવાત ચિડોએ તબાહી મચાવી હતી. સીએનએન અનુસાર, ચક્રવાતમાં 225 કિમી/કલાકની ઝડપે પવન ફૂંકાયો હતો, જેના કારણે ડઝનબંધ વસાહતો સંપૂર્ણપણે નાશ પામી હતી. ચીડોને છેલ્લા 100 વર્ષમાં માયોટમાં આવેલું સૌથી ભયાનક વાવાઝોડું ગણાવવામાં આવી રહ્યું છે.