SMC CAUGHT HARDIKSING : રીબડા ફાયરિંગ કેસમાં મોસ્ટ વોન્ટેડ આરોપી હાર્દિકસિંહ જાડેજાને SMC ની ટીમે કેરળથી ઝડપી લીધો
SMC CAUGHT HARDIKSING : રાજકોટના રીબડામાં અનિરૂદ્ધસિંહ જાડેજાના ભત્રીજાના પેટ્રોલપંપ ઉપર ફાયરિંગ કરાવનાર મોસ્ટ વોન્ટેડ હાર્દિકસિંહ જાડેજાને SMC (સ્ટેટ મોનિટરિંગ સેલ)ની ટીમે કેરળથી ઝડપી લીધો છે.
SMC CAUGHT HARDIKSING : સ્ટેટ મોનિટરિંગ સેલની બે ટીમોએ હાર્દિકસિંહ જાડેજાને કેરળના કોચીના કોચુપલ્લી રોડ પરથી શોધી કાઢ્યો હતો અને સ્વામી હોટેલ સામેથી તેની ધરપકડ કરવામાં આવી હતી. હાલ, તેને ગુજરાત લાવવામાં આવી આવ્યો છે. અહીં તેની ગોળીબાર અને અન્ય ગુનાઓની સંડોવણી અંગે પૂછપરછ કરવામાં આવશે.
મળતી માહિતી મુજબ, આરોપી અત્યાર સુધી ગુમ હતો અને 10થી વધુ રાજ્યોમાં ફરી રહ્યો હતો. જોકે, ગોળીબાર કેસમાં સઘન તપાસમાં તે કેરળમાં હોવાનું સામે આવ્યું અને બાદમાં ત્યાંના મદુરાઈ બારમાં હોવાની બાતમી મળી હતી. જોકે, ત્યાંથી તે કેરળ જતો રહ્યો હતો. બાદમાં SMCની ટીમે કેરળથી તેની ધરપકડ કરી. નોંધનીય છે કે, આરોપી હાર્દિકસિંહ જાડેજાને હાથકડીના બદલે દોરડા વડે બાંધીને અમદાવાદ લાવવામાં આવ્યો. જેની તસવીરે એક નવી ચર્ચા શરૂ કરી છે.
SMC CAUGHT HARDIKSING : રીબડામાં પેટ્રોલપંપ પર થયેલા ફાયરિંગના ચર્ચાસ્પદ કેસમાં હાર્દિકસિંહની સંડોવણી ખુલી હતી. ફાયરિંગના થોડા સમય બાદ જ તેણે સોશિયલ મીડિયા ઉપર ફાયરિંગ કર્યાની કબૂલાત કરી હતી. જેથી ગોંડલ તાલુકા પોલીસ, LCB, SOG સહિતની ટીમો તેની શોધખોળમાં લાગી ગઈ હતી.
બીજા રાજ્યોમાં પણ તેને પકડવા પોલીસની ટીમો રવાના કરવામાં આવી હતી. પરંતુ સફળતા મળી ન હતી. જોકે ફાયરિંગ કરનાર ઉત્તરપ્રદેશના ચાર ભાડુતી આરોપીઓ વિશે માહિતી મળતાં તમામને એલસીબીની ટીમે ઝડપી લીધા હતા. આ તમામ આરોપીઓએ પણ હાર્દિકસિંહના કહેવાથી ફાયરિંગ કર્યાનું કબુલ્યું હતું. એટલું જ નહીં તેમને ફાયરિંગ કરવા માટે અમુક રકમ આપવાની પણ વાત સ્વીકારી હતી.
SMC CAUGHT HARDIKSING : ચારેય ભાડુતી આરોપીઓ ઝડપાયા બાદ રાજકોટ રૂરલ પોલીસની ટીમોએ હાર્દિકસિંહની શોધખોળ જારી રાખી હતી. પરંતુ સફળતા મળતી ન હતી. રાજકોટ શહેર ક્રાઈમ બ્રાંચ પણ તેની શોધખોળમાં હતી.
આખરે અઠવાડિયા પહેલા રાજ્યના પોલીસ વડાએ પોતાના સીધા અંકુશ હેઠળની SMCની ટીમને પણ કામે લગાડી હતી. બીજા રાજ્યોમાં તપાસના અંતે SMCની ટીમે તેને કેરળથી ઝડપી લીધો હતો. આ વાતની SMCના ડીઆઈજી નિર્લિપ્ત રાયે તેની પુષ્ટિ કરી છે.
SMC CAUGHT HARDIKSING : રાજકોટ રૂરલ પોલીસના સૂત્રો પાસેથી મળતી માહિતી મુજબ, કેરળના કોચ્ચીથી ઝડપાયાનું જણાવ્યું હતું. મૂળ જામકંડોરણાના અડવાળ તાલુકાના હાર્દિકસિંહ વિરૂદ્ધ રાજકોટ, જૂનાગઢ, સુરત સહિતના શહેરોમાં હત્યા, હુમલા, ચીટીંગ, અપહરણ, લૂંટ, ખુનનો પ્રયાસ, દારૂના મળી 11 ગુના નોંધાયેલા છે. હાલમાં તે પોલીસ માટે મોસ્ટ વોન્ટેડ હતો.
રાજકોટ શહેર પોલીસની ક્રાઈમ બ્રાન્ચ પણ હાર્દિકસિંહની પાછળ હતી. ક્રાઈમ બ્રાન્ચને ગઈકાલે રાત્રે જ માહિતી મળી હતી કે, હાર્દિકસિંહ હાલ મદુરાઈના બારમાં બેઠો છે. જેથી સ્થાનિક પોલીસને આ અંગે જાણ કરી હતી. તે વખતે જ રાજકોટ રૂરલ પોલીસની ટીમ અને SMCની ટીમ પણ મદુરાઈમાં હતી.
SMC CAUGHT HARDIKSING : એવું મનાય છે કે મદુરાઈમાં ગંધ આવી જતા કે બીજા કોઈ કારણસર હાર્દિકસિંહ કેરળ રવાના થઈ ગયો હતો. જયાંથી તેને SMCની ટીમે ઝડપી લીધો હતો. SMCના આ ઓપરેશનને કારણે રાજકોટ શહેરની ક્રાઈમ બ્રાંચ અને રૂરલ પોલીસની ટીમને અફસોસ રહી ગયો છે.
હાર્દિકસિંહને પોલીસ પોતાની પાછળ હોવાની જાણ થઈ જતાં સતત પોતાના લોકેશન બદલતો રહેતો હતો. તેની પાછળ પાછળ જ રૂરલ પોલીસની ટીમ હતી. તેના લોકેશન હિમાચલ પ્રદેશ, દિલ્હી, રાજસ્થાન, મધ્યપ્રદેશ, ઉત્તરપ્રદેશ, ઓડિસા, પશ્ચિમ બંગાળ અને છેલ્લે તામિલનાડુમાં મળ્યા હતા.
જ્યાંથી તે કેરળ રવાના થયો હતો. રાજકોટ રૂરલ પોલીસની ટીમના સૂત્રોએ જણાવ્યું હતું કે, મદુરાઈમાં તેનું ચોક્કસ લોકેશન નહીં મળતાં હાથમાં આવ્યો ન હતો. અન્યથા રાજકોટ રૂરલની ટીમને જ સફળતા મળે તેમ હતી.