ઓસ્કાર વિજેતા ડોક્યુમેન્ટરી ધી એલિફન્ટ વ્હીસ્પર્સની ટીમ આજે દિલ્હી જઈને પીએમ મોદીને મળી હતી. આ દરમિયાન પીએમ મોદી પણ ખુશ થયાં હતા.
વડા પ્રધાન નરેન્દ્ર મોદીએ ગુરુવારે ઓસ્કાર વિજેતા નિર્માતા ગુનીત મોંગા અને દિગ્દર્શક કાર્તિકી ગોન્સાલ્વેસને મળ્યા હતા. ગુનીત મોંગા અને કાર્તિકીએ બનાવેલી ડોક્યુમેન્ટરી ‘ધ એલિફન્ટ વ્હિસ્પરર્સ’ એ 95માં એકેડેમી એવોર્ડ્સમાં બેસ્ટ ડોક્યુમેન્ટરી શોર્ટ સબ્જેક્ટનો એવોર્ડ જીત્યો હતો.
ગુનીત-કાર્તિકીની તસવીરો શેર કરતાં શું લખ્યું પીએમ મોદી
પીએમ મોદીએ ટ્વિટર પર ગુનીત અને કાર્તિકી સાથેની તસવીરો પોસ્ટ કરી હતી અને લખ્યું હતું કે, “‘ધ એલિફન્ટ વ્હિસ્પરર્સ’ની સિનેમેટિક તેજસ્વીતા અને સફળતાએ વિશ્વનું ધ્યાન આકર્ષિત કરવાની સાથે સાથે પ્રશંસા પણ મેળવી છે. આજે મને તેની સાથે સંકળાયેલી શાનદાર ટીમને મળવાનો મોકો મળ્યો. તેઓએ ભારતને ખૂબ ગૌરવ અપાવ્યું છે.
શું છે ધ એલિફન્ટ વ્હિસ્પરર્સની કહાનીવ્હિસ્પરર્સ’ માં બોમન અને બેલી નામના એક સ્વદેશી દંપતીની વાર્તા છે, જેમણે રઘુ નામના હાથીના અનાથ અને ઘાયલ બનેલા બચ્ચાંને છોકરાની જેમ ઉછેરીને મોટો કર્યો હતો. નાજુક, ઇજાગ્રસ્ત શિશુ બચી જાય અને તંદુરસ્ત હાથી બને તે માટે તેઓ ખૂબ જ પીડા લે છે. તામિલનાડુના મુદુમલાઈ નેશનલ પાર્કમાં બનેલી આ ડોક્યુમેન્ટરીમાં લોકેશનની કુદરતી સુંદરતાને પણ ઉજાગર કરવામાં આવી છે. તે પ્રકૃતિ સાથે સુમેળમાં આદિવાસી લોકોના જીવનની શોધ કરે છે.
ધ એલિફન્ટ
ગુનીતે બનાવી બીજી ફિલ્મો
ઉલ્લેખનીય છે કે ગુનીતે ‘ધ લંચબોક્સ’, ‘મસાન’, અને ‘ગેંગ્સ ઓફ વાસેપુર’ જેવી વખાણાયેલી ફિલ્મોનું નિર્માણ પણ કર્યું છે.