Ahmedabad News ચાંદખેડામાં સાવકા પિતા પર સગીરા સાથે દુષ્કર્મનો આરોપ, માસીને વાત કરતાં ખુલ્યો મામલો
Ahmedabad News ચાંદખેડા વિસ્તારમાં પરિવારને હચમચાવી નાખે તેવી ગંભીર ઘટના સામે આવી છે. 17 વર્ષીય સગીરાએ પોતાના સાવકા પિતા સામે છેલ્લા બે મહિનાથી જાતીય અત્યાચાર કરવાનો આરોપ લગાવ્યો છે. સગીરાએ આ અંગે પોતાની માસીને જાણ કર્યા બાદ સમગ્ર મામલો પરિવારના ધ્યાનમાં આવ્યો હતો.
Ahmedabad News મળતી માહિતી મુજબ, સગીરાની માતાના પતિ તરીકે આરોપી વર્ષ 2017થી પરિવાર સાથે રહેતો હતો. આરોપી કપડાની દુકાનમાં નોકરી કરતો હોવાનું જાણવા મળ્યું છે. ફરિયાદ મુજબ, ઘરમાં માતા અથવા પરિવારના અન્ય સભ્યો હાજર ન હોય ત્યારે આરોપી સગીરા સાથે અયોગ્ય વર્તન કરતો હોવાનો આક્ષેપ છે.
Ahmedabad News આ પરિસ્થિતિથી પરેશાન સગીરાએ અંતે હિંમત કરીને સમગ્ર ઘટનાની જાણ પોતાની માસીને કરી હતી. ત્યારબાદ પરિવાર દ્વારા મામલાની ગંભીરતા સમજી સગીરાની માતા તેને લઈને ચાંદખેડા પોલીસ સ્ટેશન પહોંચ્યા હતા અને આરોપી સામે ફરિયાદ નોંધાવી હતી.
Ahmedabad News પોલીસે ફરિયાદના આધારે સગીરાના સાવકા પિતા સામે POCSO એક્ટ તથા ભારતીય ન્યાય સંહિતાની સંબંધિત કલમો હેઠળ ગુનો નોંધ્યો હોવાનું જાણવા મળ્યું છે. પોલીસે આરોપીની ધરપકડ કરી આગળની કાયદેસરની કાર્યવાહી શરૂ કરી છે.
Ahmedabad News હાલ પોલીસ દ્વારા કેસ સંબંધિત પુરાવા એકત્ર કરવામાં આવી રહ્યા છે. સગીરાનું જરૂરી તબીબી પરીક્ષણ સહિતની પ્રક્રિયા પણ હાથ ધરવામાં આવી હોવાનું જાણવા મળ્યું છે.
