Ahmedabad Crime અમદાવાદ દુષ્કર્મ કેસમાં સિક્યોરિટી એજન્સીના માલિક સામે કાર્યવાહી, લાયસન્સ ચાર મહિના પહેલા જ થઈ ગયું હતું એક્સપાયર
Ahmedabad Crime અમદાવાદ: શહેરના આનંદનગર વિસ્તારમાં PGમાં રહેતી યુવતી સાથે દુષ્કર્મના ગંભીર કેસમાં પોલીસે વધુ એક મહત્વપૂર્ણ કાર્યવાહી કરી છે. યુવતી સાથે દુષ્કર્મના આરોપમાં ઝડપાયેલા સિક્યોરિટી ગાર્ડ જે એજન્સી સાથે જોડાયેલો હતો, તે સિક્યોરિટી એજન્સીનું લાયસન્સ સમયસર રિન્યુ કરવામાં આવ્યું ન હોવાનું તપાસમાં સામે આવ્યું છે. આ મામલે પોલીસે એજન્સીના માલિક રામપ્રકાશ તિવારી સામે ગુનો નોંધી તપાસ આગળ ધપાવી છે.
Ahmedabad Crime PGમાં યુવતી સાથે દુષ્કર્મ બાદ આરોપીની ધરપકડ
આનંદનગર વિસ્તારમાં 9 ઓગસ્ટની રાત્રે PGમાં રહેતી યુવતી સાથે ધાબા પર દુષ્કર્મની ઘટના બની હતી. બનાવની જાણ થતાં આનંદનગર પોલીસે તપાસ શરૂ કરી સિક્યોરિટી ગાર્ડ ધર્મસિંહની ધરપકડ કરી હતી.
પોલીસ તપાસમાં જાણવા મળ્યું કે આરોપી ધર્મસિંહ ઘટનાના માત્ર ચાર દિવસ અગાઉ જ સિક્યોરિટી એજન્સીમાં નોકરી પર જોડાયો હતો. પ્રાથમિક તપાસ દરમિયાન તેને જરૂરી તાલીમ અને માર્ગદર્શન આપવામાં આવ્યું હતું કે નહીં તે અંગે પણ પોલીસ દ્વારા તપાસ કરવામાં આવી રહી છે.
Ahmedabad Crime દસ્તાવેજોની તપાસમાં લાયસન્સની ગંભીર બેદરકારી સામે આવી
Ahmedabad Crime દુષ્કર્મના કેસની તપાસ દરમિયાન પોલીસે આરોપી જે એજન્સીમાં નોકરી કરતો હતો તેના દસ્તાવેજોની પણ ચકાસણી કરી હતી. તપાસમાં એજન્સીનું લાયસન્સ 5 એપ્રિલ 2026ના રોજ જ પૂર્ણ થઈ ગયું હોવાનું સામે આવ્યું હતું.
મળતી માહિતી મુજબ, રામપ્રકાશ તિવારી વર્ષ 2015થી સિક્યોરિટી એજન્સીનું સંચાલન કરતા હતા અને છેલ્લે 2021માં લાયસન્સ રિન્યુ કરાવ્યું હતું. ત્યારબાદ લાયસન્સની મુદત પૂર્ણ થયા પછી તેનું રિન્યુઅલ કરવામાં આવ્યું ન હોવાનું પોલીસ તપાસમાં બહાર આવ્યું છે.
Ahmedabad Crime : માલિક સામે ગુનો નોંધી તપાસ શરૂ
લાયસન્સની મુદત પૂરી થઈ ગઈ હોવા છતાં એજન્સીનું સંચાલન ચાલુ રાખવા બદલ આનંદનગર પોલીસે એજન્સીના માલિક રામપ્રકાશ તિવારી સામે ગુનો નોંધ્યો છે. પોલીસ હવે એજન્સીનું સંચાલન, કર્મચારીની ભરતી, જરૂરી ચકાસણી અને લાયસન્સ સંબંધિત સમગ્ર પ્રક્રિયાની તપાસ કરી રહી છે.
દુષ્કર્મના મુખ્ય આરોપી સામેની કાર્યવાહી ઉપરાંત સિક્યોરિટી એજન્સીની બેદરકારી અંગે પણ પોલીસ તપાસ શરૂ થતાં આ કેસમાં આગામી સમયમાં વધુ વિગતો સામે આવી શકે છે.
