sabarmati અમદાવાદ સાબરમતી રિવરફ્રન્ટ પર મૃત ભ્રૂણ મળતાં ચકચાર, ફાયર બ્રિગેડે નદીમાંથી બહાર કાઢ્યું
sabarmati અમદાવાદ: શહેરના સાબરમતી રિવરફ્રન્ટ પરથી ચોંકાવનારી ઘટના સામે આવી છે. સાબરમતી નદીના પાણીમાં આશરે 2થી 4 મહિનાનું મૃત ભ્રૂણ મળી આવતાં વિસ્તારમાં અરેરાટી ફેલાઈ ગઈ હતી. ઘટનાની જાણ થતાં રિવરફ્રન્ટ વેસ્ટ પોલીસ અને ફાયર બ્રિગેડની ટીમ ઘટનાસ્થળે પહોંચી હતી.
પ્રાપ્ત માહિતી મુજબ, રિવરફ્રન્ટ વિસ્તારમાંથી પસાર થઈ રહેલી એક મહિલાની નજર નદીના પાણીમાં તરતા મૃત ભ્રૂણ પર પડી હતી. મહિલાએ તાત્કાલિક પોલીસને જાણ કરતાં પોલીસ ટીમ સ્થળ પર પહોંચી હતી.
sabarmati ફાયર બ્રિગેડની મદદથી મૃત ભ્રૂણ બહાર કઢાયું
sabarmati પોલીસે ઘટનાની ગંભીરતાને ધ્યાનમાં લઈને ફાયર બ્રિગેડને જાણ કરી હતી. ફાયર બ્રિગેડના જવાનો દ્વારા કામા હોટલ પાછળ આવેલા નદીના પટ વિસ્તારમાં કામગીરી હાથ ધરવામાં આવી હતી અને નદીના પાણીમાંથી મૃત ભ્રૂણને બહાર કાઢવામાં આવ્યું હતું.
પોલીસે મૃત ભ્રૂણને કબજામાં લઈ આગળની કાયદેસરની કાર્યવાહી શરૂ કરી છે. ભ્રૂણને નદીમાં કોણે અને કયા સંજોગોમાં ફેંક્યું તે અંગે પોલીસ તપાસ કરી રહી છે.
CCTV ફૂટેજના આધારે તપાસ શરૂ
sabarmati આ સમગ્ર મામલે પોલીસે અજાણ્યા વ્યક્તિ વિરુદ્ધ ગુનો નોંધીને તપાસનો દોર શરૂ કર્યો હોવાનું જાણવા મળે છે. પોલીસ દ્વારા રિવરફ્રન્ટ વિસ્તારના CCTV ફૂટેજ તપાસવામાં આવી રહ્યા છે. તેમજ ઘટનાસ્થળની આસપાસની હિલચાલ અને અન્ય ઉપલબ્ધ માહિતીના આધારે ભ્રૂણને નદીમાં ફેંકનાર વ્યક્તિ સુધી પહોંચવાના પ્રયાસો હાથ ધરાયા છે.
હાલમાં આ કૃત્ય પાછળનું ચોક્કસ કારણ શું હતું અને મૃત ભ્રૂણને નદીમાં કોણે ફેંક્યું તે સ્પષ્ટ થયું નથી. પોલીસ તપાસ પૂર્ણ થયા બાદ જ સમગ્ર ઘટનાની હકીકત સામે આવશે.
sabarmati રિવરફ્રન્ટની સુરક્ષા વ્યવસ્થા સામે ફરી સવાલ
સાબરમતી રિવરફ્રન્ટ અમદાવાદનું મહત્વનું જાહેર સ્થળ છે. અહીં બનેલી આ ઘટનાએ રિવરફ્રન્ટ વિસ્તારમાં CCTV અને સર્વેલન્સ વ્યવસ્થાને લઈને પણ સવાલો ઊભા કર્યા છે. જોકે, આ કેસમાં CCTVની ઉપલબ્ધતા અને તેના આધારે તપાસમાં શું સામે આવ્યું છે તે પોલીસ તપાસ બાદ સ્પષ્ટ થશે.