CJP Delegation : કોકરોચ આંદોલન પર મોદી સરકારની પ્રથમ પ્રતિક્રિયા, ધરણાં સમેટવા અપીલ; લેખિત અરજી સ્વીકારાઈ
CJP Delegation : રાજધાની દિલ્હીમાં ચાલી રહેલા હાઈ-વોલ્ટેજ વિરોધ પ્રદર્શન અને હોબાળા વચ્ચે સરકાર અને કોકરોચ જનતા પાર્ટી વચ્ચે આજે પહેલીવાર સંવાદ થયો છે. જંતર-મંતરથી સંસદ સુધી ચાલી રહેલા આંદોલન અને તણાવપૂર્ણ સ્થિતિ વચ્ચે પ્રથમ વખત કેન્દ્ર સરકાર અને પ્રદર્શનકારીઓ વચ્ચે સત્તાવાર વાતચીતનો દોર શરૂ થયો છે. કેન્દ્રીય મંત્રી જેપી નડ્ડાએ કોકરોચ જનતા પાર્ટીના પ્રતિનિધિઓ સાથે થયેલી આ હાઈ-પ્રોફાઈલ મુલાકાત અંગે સત્તાવાર નિવેદન આપ્યું છે.
CJP Delegation : આંદોલનકારીઓએ સરકાર સાથે વાત કરવાનો પ્રસ્તાવ મૂક્યો હતી: નડ્ડા
લાંબા સમયથી ચાલી રહેલા ગજગ્રાહ બાદ આ પ્રથમ વખત બન્યું છે. કેન્દ્રીય મંત્રી જેપી નડ્ડાએ જણાવ્યું કે પ્રદર્શનકારીઓ તરફથી સકારાત્મક વલણ જોવા મળ્યું છે. જેપી નડ્ડાએ નિવેદન આપતા કહ્યું કે, આજે સવારે પહેલીવાર પ્રદર્શનકારીઓ તરફથી સરકાર સાથે વાતચીત કરવાનો પ્રસ્તાવ આવ્યો હતો. આ પ્રસ્તાવ બાદ સવારથી જ અમારી વચ્ચે વાતચીતનો દોર સતત ચાલુ રહ્યો છે. પ્રદર્શનકારીઓના પ્રતિનિધિમંડળ સાથે અત્યંત સૌહાર્દપૂર્ણ વાતાવરણમાં આ મુલાકાત સંપન્ન થઈ છે.
CJP Delegation : બંને પક્ષોએ શરૂઆતમાં મૌખિક ચર્ચા કરી અને બાદમાં લેખિત માંગ સોંપાઈ
જેપી નડ્ડાએ બેઠકની આખી પ્રક્રિયા સ્પષ્ટ કરતા જણાવ્યું કે પ્રતિનિધિઓ સાથે ખૂબ જ ઊંડાણપૂર્વક ચર્ચા કરવામાં આવી છે. શરૂઆતના તબક્કામાં ડેલીગેશનના તમામ સભ્યો સાથે વિગતવાર મૌખિક ચર્ચા કરવામાં આવી હતી, જેમાં તેમણે પોતાના મુખ્ય મુદ્દાઓ સરકાર સમક્ષ રજૂ કર્યા હતા. ત્યારબાદ, આ લાંબી ચર્ચાના અંતે અંદાજે સાંજે 4 વાગ્યે પ્રદર્શનકારીઓના પ્રતિનિધિમંડળ દ્વારા કેન્દ્રીય મંત્રીને સત્તાવાર રીતે એક લેખિત અરજી સોંપવામાં આવી હતી, જેમાં તેમની તમામ માંગણીઓનો વિગતવાર ઉલ્લેખ કરવામાં આવ્યો છે.
CJP Delegation : કોકરોચ જનતા પાર્ટીના ધરણાં સમાપ્ત કરવા સરકારની અપીલ
કેન્દ્રીય મંત્રીએ આંદોલનકારીઓને અપીલ પણ કરી છે. તેમણે કહ્યું કે, મેં બેઠકમાં આવેલા તમામ પ્રદર્શનકારીઓને અને તેમના નેતાઓને વિનંતી કરી છે કે તેઓ પોતાના ધરણા વહેલી તકે સમાપ્ત કરે. આ સાથે જ, દિલ્હીમાં ફરીથી સામાન્ય સ્થિતિ બહાલ કરવા માટે અને શાંતિ જાળવી રાખવામાં તેઓ સ્થાનિક પ્રશાસનને પૂરેપૂરો સહયોગ આપે.
