Fake Milk ડિટર્જન્ટ અને યુરિયાથી બનતું હતું ‘ઝેરી’ દૂધ, પ્રાંતિજમાં સત્યા ડેરી સામે કાર્યવાહી, 4ની ધરપકડ, મુખ્ય આરોપી ફરાર
Fake Milk સાબરકાંઠા જિલ્લાના પ્રાંતિજમાં સ્વાસ્થ્ય સાથે ચેડાં કરતી એક ભયાનક ઘટના સામે આવી છે. લોકલ ક્રાઈમ બ્રાન્ચ (LCB) અને ફૂડ એન્ડ ડ્રગ્સ વિભાગે સંયુક્ત ઓપરેશન હાથ ધરીને ‘સત્યા ડેરી પ્રોડક્ટ’ નામની ફેક્ટરીમાં ચાલતા નકલી દૂધના નેટવર્કનો પર્દાફાશ કર્યો છે. અહીં ડિટર્જન્ટ અને યુરિયાનું જીવલેણ મિશ્રણ ખરીને દૂધ તૈયાર કરવામાં આવતું હતું.
Fake Milk કેવી રીતે બનતું હતું નકલી દૂધ?
Fake Milk દરોડા દરમિયાન અધિકારીઓ પણ ચોંકી ઉઠ્યા હતા. ફેક્ટરીમાં કુદરતી દૂધને બદલે કેમિકલનો ઉપયોગ કરી ‘સફેદ ઝેર’ તૈયાર કરવામાં આવતું હતું. પ્રાથમિક તપાસમાં જાણવા મળ્યું છે કે, દૂધમાં ફીણ લાવવા માટે ડિટર્જન્ટ પાઉડરનો ઉપયોગ થતો હતો. દૂધની ઘનતા અને ફેટ વધારવા માટે યુરિયા ખાતર ભેળવવામાં આવતું હતું. આ હાનિકારક દૂધને બજારમાં શુદ્ધ દૂધ તરીકે વેચી લોકોના સ્વાસ્થ્ય સાથે ગંભીર રમત રમાતી હતી.
Fake Milk 4 આરોપીની ધરપકડ, મુખ્ય આરોપી ફરાર
LCB અને ફૂડ એન્ડ ડ્રગ્સ વિભાગે બાતમીના આધારે દરોડો પાડીને ઘટનાસ્થળેથી મોટા પ્રમાણમાં નકલી દૂધ અને કેમિકલનો જથ્થો જપ્ત કર્યો છે. પોલીસે આ મામલે ચાર શખ્સોની ધરપકડ કરી છે, જ્યારે ફેક્ટરીનો મુખ્ય સંચાલક હજુ પણ ફરાર છે, જેને પકડવા માટે ચક્રો ગતિમાન કર્યા છે. તંત્ર દ્વારા ફેક્ટરીને સીલ કરી દેવામાં આવી છે અને દૂધના સેમ્પલ વધુ તપાસ માટે લેબોરેટરીમાં મોકલવામાં આવ્યા છે. આ ઘટના બાદ સમગ્ર પંથકમાં હાહાકાર મચી ગયો છે.