જિલ્લાના ખેડૂત અગ્રણી ૬૪ વર્ષિય કેશુભાઇ પટેલે આજે કોવીડ-૧૯ની કોવીશીલ્ડ રસીનો બીજો ડોઝ લીધો હતો. પોતાના ૬૩ વર્ષીય નાનાભાઇ નાનાલાલ અને નાનાલાલના ધર્મપત્ની વીમળાબેન સાથે રસી મુકાવવા આવેલા શ્રી પટેલે આ તકે જણાવ્યું હતું કે, “ સમાજના અગ્રણી તરીકે દરેક નાગરિકોને ખાસ અનુરોધ કરૂ છું કે, વર્તમાન પરિસ્થિતિમાં કોરોનાના સંક્રમણ જોતાં પહેલાં કાળજી રાખી માસ્ક પહેરીએ, સામાજિક અંતર જાળવીએ, બિન જરૂરી ઘરની બહાર ના નિકળીએ આ કોરોનાથી બચવાની પહેલી શરત છે. જે રીતે કોરોનાની દવા નથી શોધાઇ તેના ભાગરૂપે ભારત સરકારે વિનામૂલ્યે નાગરિકો માટે કોવીસીન શરૂ કરી છે અને આ રસીની આડઅસરનો ભ્રામક પ્રસાર થઇ રહયો છે તે તદન પાયાવિહોણો છે. છેલ્લા છ માસથી રસીકરણની અમલવારીનો આજદિન સુધીમાં કચ્છમાં એકપણ વ્યકિતને આડઅસર જોવા મળી નથી. તો જે રીતે કોવીડ-૧૯ને નાથવાની પ્રાથમિકતા દાખવવી જરૂરી છે તેમ પોતે પણ બચીએ પોતાના પરિવારને પણ બચાવીએ અને સમાજને સ્વસ્થ અને સલામત રાખીએ.”
કોવીડ વેકસીનેશન ઝુંબેશ-૨૦૨૧
“……….તો જ કોરોનાને નાથી શકીશું”- નિવૃત બેંક ઓફિસર રાજેન્દ્ર ગોર
“મારૂ નામ રાજેન્દ્ર ગોર છે. હું નિવૃત બેંક ઓફિસર છું. આજે હું બીજો ડોઝ લેવા આવ્યો છું. વેકસીનની કોઇ આડઅસર નથી. રાવલવાડી વ્યાયામશાળા રસી લેવા આવ્યો છું. સ્ટાફ કો.ઓપરેટીવ છું. આપણે રસી લેશું, માસ્ક પહેરશું, સોશિયલ અંતર જાળવશું તો જરૂર કોરોનાને નાથી શકીશું તો જ આપણે વડાપ્રધાનશ્રી નરેન્દ્રભાઇ મોદીના સ્વપ્નને સાકાર કરી શકીશું. આપણે સૌએ કોરોનાની વેકસીન લેવી જોઇએ.”