BROKEN LOKES IN 5 HOUSES : માળિયાહાટીના જુથળ ગામે એકસાથે 5 મકાનોમાં ચોરી, સ્થાનિક પોલીસ અને ગામવાસીઓમાં ચિંતા
BROKEN LOKES IN 5 HOUSES : ચોરોએ તાળાં તોડી મકાનોમાં પ્રવેશ કર્યો અને રોકડ રકમ, દાગીના તેમજ અન્ય કિંમતી ચીજવસ્તુઓની ચોરી કરી. ચોરીની ઘટના બાદ જ્યારે મકાનમાલિકો પરત ફર્યા, ત્યારે તેમને આ ઘટનાની જાણ થઈ અને તેમણે તાત્કાલિક માળિયાહાટી પોલીસને જાણ કરી.
જુનાગઢ જિલ્લાના માળિયાહાટી તાલુકામાં આવેલા જુથળ ગામમાં તસ્કરોએ ફરી એકવાર તેમની ગુનાહિત પ્રવૃત્તિ દ્વારા ગામલોકોમાં ભયનો માહોલ સર્જ્યો છે. તહેવારની રજાઓ દરમિયાન ગામના બંધ મકાનોને નિશાન બનાવી, તસ્કરોએ એકસાથે પાંચ મકાનોના તાળાં તોડી ચોરીની ઘટનાને અંજામ આપ્યો છે. આ ઘટનાએ સ્થાનિક પોલીસ અને ગામવાસીઓમાં ચિંતાનું વાતાવરણ ઊભું કર્યું છે.
માહિતી અનુસાર, આ ઘટના તહેવારના સમયે બની જ્યારે ઘણા ગામલોકો બહારગામ ગયા હતા અથવા તેમના મકાનો બંધ રાખી પરિવાર સાથે તહેવારની ઉજવણીમાં વ્યસ્ત હતા. તસ્કરોએ આ તકનો લાભ ઉઠાવી, ગામના પાંચ મકાનોને નિશાન બનાવ્યા. ચોરોએ તાળાં તોડી મકાનોમાં પ્રવેશ કર્યો અને રોકડ રકમ, દાગીના તેમજ અન્ય કિંમતી ચીજવસ્તુઓની ચોરી કરી. ચોરીની ઘટના બાદ જ્યારે મકાનમાલિકો પરત ફર્યા, ત્યારે તેમને આ ઘટનાની જાણ થઈ અને તેમણે તાત્કાલિક માળિયાહાટી પોલીસને જાણ કરી.
આ ઘટનાની જાણ થતાં જ માળિયાહાટી પોલીસે ઘટનાસ્થળે પહોંચી તપાસ હાથ ધરી. પોલીસે ચોરીની ઘટનાને ગંભીરતાથી લઈ, આસપાસના વિસ્તારોમાં સઘન તપાસ શરૂ કરી છે. ફોરેન્સિક ટીમને બોલાવી ઘટનાસ્થળે તપાસ કરવામાં આવી અને આસપાસના સીસીટીવી ફૂટેજની પણ તપાસ કરવામાં આવી રહી છે. પોલીસે આ ઘટના પાછળ કોઈ સ્થાનિક કે બહારની ટોળકીનો હાથ હોઈ શકે તેવી શક્યતાઓને ધ્યાનમાં રાખીને તપાસ આગળ વધારી છે.