22 એપ્રિલે જ ઉજવવમાં આવે છે World Earth Day
53 વર્ષ પહેલા પ્રથમ વખત ઉજવવામાં આવ્યો હતો World Earth Day
આ દિવસને આંતરરાષ્ટ્રીય મધર અર્થ ડે તરીકે પણ ઓળખવામાં આવે છે
World Earth Day: એટલે કે વિશ્વ પૃથ્વી દિવસ. તે દર વર્ષે 22 એપ્રિલે ઉજવવામાં આવે છે. વિશ્વ પૃથ્વી દિવસનું આ 53મું આયોજન હશે. આ દિવસને આંતરરાષ્ટ્રીય મધર અર્થ ડે તરીકે પણ ઓળખવામાં આવે છે. આ જ કારણ છે કે આ દિવસે પર્યાવરણની રક્ષા અને પૃથ્વીને બચાવવાનો સંકલ્પ લેવામાં આવે છે. World Earth Dayની ઉજવણી શાળાના વિદ્યાર્થીઓ અને સામાજિક સંસ્થાઓ દ્વારા વૃક્ષારોપણ કરીને, રસ્તાના કિનારે કચરો ઉપાડીને, લોકોને જીવન જીવવાની સારી રીત અપનાવવા પ્રેરિત કરવા જેવા કાર્યક્રમોનું આયોજન કરીને કરવામાં આવે છે.
આ કારણે 22 એપ્રિલે જ ઉજવાય છે World Earth Day
અમેરિકન સેનેટર ગેલોર્ડ નેલ્સને આ દિવસ માટે ખાસ પ્રયાસ કર્યા હતા. તેઓ ઇચ્છતા હતા કે આ દિવસે કોલેજ કેમ્પસમાંથી વધુને વધુ વિદ્યાર્થીઓ ભાગ લે.આ માટે તેમને 19 થી 25 એપ્રિલ વચ્ચેનો સમય સૌથી યોગ્ય લાગ્યો. કારણ કે આ સમયે કોલેજમાં ન તો પરીક્ષાઓ હતી, ન તો ઉનાળાની રજાઓ હતી કે ન તો કોઈ ધાર્મિક તહેવારની અડચણ હતી. તેથી જ તેણે વધુ વિદ્યાર્થીઓની હાજરી માટે 22 એપ્રિલની પસંદગી કરી. ત્યારથી, વિશ્વ પૃથ્વી દિવસ માટે 22 એપ્રિલની તારીખ કાયમ માટે નક્કી કરવામાં આવી છે.
આ વર્ષની થીમ
આ વર્ષે વિશ્વ પૃથ્વી દિવસની થીમ ‘Invest In Our Planet’ છે. આમાં મુખ્ય મુદ્દો પર્યાવરણ સંરક્ષણ માટેના વર્તમાન પડકારોને જાણવાનો અને તેને દૂર કરવાના ઉપાયોની ચર્ચા કરવાનો છે.
શું છે આ દિવસનો ઇતિહાસ
World Earth Day વિશ્વભરમાં 192 દેશો દ્વારા ઉજવવામાં આવે છે. 60-70ના દાયકામાં જંગલો અને વૃક્ષોના આડેધડ કટીંગને જોઈને સપ્ટેમ્બર 1969માં સિએટલ, વોશિંગ્ટનમાં એક કોન્ફરન્સમાં વિસ્કોન્સિનના યુએસ સેનેટર ગેરાલ્ડ નેલ્સને તેની ઉજવણી કરવાની જાહેરાત કરી હતી. અમેરિકાની શાળાઓ અને કોલેજોએ આ રાષ્ટ્રવ્યાપી જન આંદોલનમાં ભાગ લીધો હતો. આ સાથે આ કોન્ફરન્સમાં 20 હજારથી વધુ લોકો ઉમટ્યા હતા. આ દિવસ 1970થી સતત ઉજવવામાં આવે છે.
દિવસની ઉજવણીનો હેતુ
આ દિવસની ઉજવણી કરવાનો હેતુ એ છે કે લોકો પૃથ્વીનું મહત્વ સમજે અને પર્યાવરણને વધુ સારી રીતે જાળવવા માટે જાગૃત બને. આ સાથે, કરોડો લોકો એકસાથે પૃથ્વી સાથે સંબંધિત પર્યાવરણીય પડકારોનો સામનો કરે છે જેમ કે આબોહવા પરિવર્તન. ગ્લોબલ વોર્મિંગ, પ્રદૂષણ અને જૈવવિવિધતા સંરક્ષણ માટે વધુ જાગૃત બનો અને પ્રયત્નોને વેગ આપો.