ટ્રમ્પના ટેરિફથી સોનામાં આગ ઝરતી તેજી, બનાવ્યો નવો રેકોર્ડ, જાણો 10 ગ્રામનો લેટેસ્ટ ભાવ
અમેરિકન ટેરિફને કારણે રોકાણકારોના મનમાં ઉભા થયેલા ડરને લીધે સુરક્ષિત રોકાણના ઓપ્શન તરીકે સોનાની પસંદગી કરાતા સોનાની માંગ વધી છે. આના કારણે સોનાના ભાવમાં વધારો થયો છે.
અમેરિકાના રાષ્ટ્રપતિ ડોનાલ્ડ ટ્રમ્પે વિશ્વના તમામ દેશો સામે રેસિપ્રોકલ ટેરિફની જાહેરાત કરી છે. જેના કારણે આંતરરાષ્ટ્રીય બજારમાં સોનાના ભાવમાં ઉછાળો જોવા મળ્યો. મલ્ટી કોમોડિટી એક્સચેન્જ પર પણ સોનાના ભાવમાં થોડો વધારો થયો હતો. ભયના માહોલમાં સલામત રોકાણોની વધતી માંગ વચ્ચે MCX પર સોનાના ભાવ 90728 રૂપિયા પ્રતિ 10 ગ્રામથી વધીને 91230 રૂપિયા પ્રતિ 10 ગ્રામ પર ખુલ્યા. બાદમાં MCX પર ટ્રેડિંગ દરમિયાન સોનાનો ભાવ 91423 રૂપિયાના નવા રેકોર્ડ સ્તરે પહોંચ્યો.
ચાંદીના ભાવમાં ઘટાડો
આ સમયગાળા દરમિયાન ચાંદીના ભાવમાં થોડો ઘટાડો જોવા મળ્યો હતો. મલ્ટી કોમોડિટી એક્સચેન્જ (MCX) પર ચાંદીના ભાવ 99753 રૂપિયા પ્રતિ કિલોથી વધીને 99658 રૂપિયા પ્રતિ કિલો પર ખુલ્યા. સવારે 9:10 વાગ્યે MCX પર સોનાનો ભાવ 557 રૂપિયા અથવા 0.61 ટકા વધીને 91285 રૂપિયા પ્રતિ 10 ગ્રામ પર ટ્રેડ થઈ રહ્યો હતો. તે જ સમયે MCX પર ચાંદીનો ભાવ 1561 રૂપિયા અથવા 1.56 ટકાના ઘટાડા સાથે 98192 રૂપિયા પ્રતિ કિલો હતો.
આંતરરાષ્ટ્રીય બજારમાં પણ સોનાના ભાવમાં વધારો થયો
આંતરરાષ્ટ્રીય બજારમાં પણ સોનાનો ભાવ રેકોર્ડ ઉચ્ચ સ્તરે પહોંચી ગયો છે. આજે શરૂઆતના કારોબારમાં હાજર સોનાનો ભાવ 0.4 ટકા વધીને 3145.93 ડોલર પ્રતિ ઔંસ થયો હતો. જે 3167.57 ડોલરના સર્વકાલીન ઉચ્ચતમ સ્તરને સ્પર્શ્યો હતો. યુએસ ગોલ્ડ ફ્યુચર્સ 0.1 ટકા વધીને 3170.70 ડોલર પર પહોંચ્યા.
(DISCLAIMER: બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, www.crimekingnews.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.)