TERRIBLE FLOOD IN PANJAB AFTER 37 YEARS : 37 વર્ષ પછી પંજાબમાં આવ્યું ભયાનક પૂર, 30 લોકોના મોત, 3 લાખથી વધુ લોકો પ્રભાવિત
TERRIBLE FLOOD IN PANJAB AFTER 37 YEARS : પંજાબમાં સૌથી ભયાનક પૂરનો સામનો કરી રહ્યું છે જેમાં 30 લોકોએ જીવ ગુમાવ્યા છે અને 3.5 લાખથી વધુ લોકો પ્રભાવિત થયા છે. રાજ્યના તમામ 23 જિલ્લાઓને પૂરગ્રસ્ત જાહેર કરવામાં આવ્યા છે. લગભગ 20,000 લોકોને બચાવી લેવામાં આવ્યા છે. પંજાબના રાજ્યપાલ અને મુખ્યમંત્રીએ અસરગ્રસ્ત વિસ્તારોની મુલાકાત લીધી હતી.
TERRIBLE FLOOD IN PANJAB AFTER 37 YEARS : રાજ્યપાલ અને મુખ્યમંત્રીએ મંગળવારે કેટલાક અસરગ્રસ્ત વિસ્તારોની મુલાકાત લીધી હતી. પંજાબના અધિકારીઓએ જણાવ્યું હતું કે 1 ઓગસ્ટથી 1 સપ્ટેમ્બર સુધીની પરિસ્થિતિ પર જારી કરાયેલા સમાચાર મુજબ, 12 જિલ્લાઓ અગાઉ પૂરથી પ્રભાવિત હતા.
કુલ 1,400 ગામોને અસરગ્રસ્ત જાહેર કરવામાં આવ્યા છે, જેનાથી અત્યાર સુધીમાં 3,54,626 લોકો પ્રભાવિત થયા છે. 12 જિલ્લામાં પૂરને કારણે 30 લોકોના મોત થયા છે. પઠાણકોટમાં સૌથી વધુ મૃત્યુ થયા છે, જેમાં છ લોકો મૃત્યુ પામ્યા છે.
TERRIBLE FLOOD IN PANJAB AFTER 37 YEARS : માહિતી અનુસાર, અત્યાર સુધીમાં પૂરગ્રસ્ત વિસ્તારોમાંથી લગભગ 20,000 લોકોને સ્થળાંતરિત કરવામાં આવ્યા છે. પંજાબ 1988 પછીના સૌથી ભયાનક પૂરનો સામનો કરી રહ્યું છે. રાજ્યના લોકો સાથે એકતા દર્શાવતા, પંજાબના તમામ IPS અધિકારીઓએ મુખ્યમંત્રી રાહત ભંડોળમાં એક દિવસનો પગાર દાન કરવાનું વચન આપ્યું છે. DGP ગૌરવ યાદવે કહ્યું કે આ યોગદાન ચાલુ રાહત અને પુનર્વસન પ્રયાસોને ટેકો આપવાનો નમ્ર પ્રયાસ છે.
ભારે વરસાદથી થયેલી આફતથી પ્રભાવિત પંજાબ અને જમ્મુ અને કાશ્મીરના લોકો સાથે એકતા વ્યક્ત કરતા, હરિયાણા સરકારે મંગળવારે મુખ્યમંત્રી રાહત ભંડોળમાંથી બંને રાજ્યો માટે 5 કરોડ રૂપિયાની નાણાકીય સહાયની જાહેરાત કરી.
આ દરમિયાન, મંગળવારે પંજાબના રાજ્યપાલ ગુલાબ ચંદ કટારિયા અને મુખ્યમંત્રી ભગવંત માન અલગ-અલગ અસરગ્રસ્ત વિસ્તારોની મુલાકાત લીધી. ફિરોઝપુર જિલ્લાના પૂરગ્રસ્ત ગામોની મુલાકાત લેતા, ભાવુક થઇ ભગવંત માનએ કહ્યું કે પંજાબ હંમેશા કટોકટીના સમયમાં દેશની સાથે ઉભું રહ્યું છે અને આશા વ્યક્ત કરી કે હવે દેશ પણ તેની સાથે ઉભો રહેશે. કુદરતી આફતોથી થયેલા નુકસાન માટે લોકોને આપવામાં આવતા “ઓછા વળતર” પર ઊંડી ચિંતા વ્યક્ત કરતા, તેણે કેન્દ્રના રાહત ધોરણોમાં વધારો કરવાની માંગ કરી છે.
રાહુલ ગાંધીનું નિવેદન
મોદીજી, પૂરના કારણે પંજાબમાં ભારે વિનાશ થયો છે. જમ્મુ અને કાશ્મીર, હિમાચલ અને ઉત્તરાખંડની સ્થિતિ પણ અત્યંત ચિંતાજનક છે. આવા મુશ્કેલ સમયમાં, તમારું ધ્યાન અને કેન્દ્ર સરકારની સક્રિય મદદ અત્યંત જરૂરી છે. હજારો પરિવારો પોતાના ઘર, જીવ અને પ્રિયજનોને બચાવવા માટે સંઘર્ષ કરી રહ્યા છે. હું વિનંતી કરું છું કે આ રાજ્યો માટે, ખાસ કરીને ખેડૂતો માટે – તાત્કાલિક એક ખાસ રાહત પેકેજની જાહેરાત કરવામાં આવે અને રાહત અને બચાવ કામગીરી ઝડપી બનાવવામાં આવે.