Marburg Virus : વધુ એક જીવલેણ વાયરસનો ખતરો, આ દેશમાં 15 લોકોના મોત, ભારત માટે કેટલો જોખમી?
Marburg Virus : આ વાયરસને કારણે 15 દર્દીઓના મોત, આંખોમાંથી લોહી પણ નીકળી શકે તો આ વાયરસથી સંક્રમિત થયા પછી દર 100 દર્દીઓમાંથી 50 મૃત્યુ થઈ શકે છે, જાણો શું છે આ વાયરસના લક્ષણો અને બચવાના ઉપાય
Marburg Virus : કોરોના વાયરસ બાદ હવે એક બીજા વાયરસને લઈ મોટી અપડેટ સામે આવી છે. આફ્રિકાના કેટલાક દેશોમાં મારબર્ગ વાયરસ (Marburg virus) ફેલાયો છે. આ વાયરસને કારણે 15 દર્દીઓના મોત થયા છે. આફ્રિકાની આસપાસના દેશોને પણ એલર્ટ કરી દેવામાં આવ્યા છે. આ વાયરસને કારણે આંખોમાંથી લોહી પણ નીકળી શકે છે. આ કારણોસર મારબર્ગ વાયરસ (Marburg virus)ને બ્લીડિંગ આઈ વાયરસ કહેવામાં આવે છે. વર્લ્ડ હેલ્થ ઓર્ગેનાઈઝેશન મુજબ આ વાયરસ ઇબોલા પરિવારનો છે. પરંતુ આ એકદમ ખતરનાક છે. તેનાથી સંક્રમિત થયા પછી 50 ટકા દર્દીઓના મૃત્યુનું જોખમ રહેલું છે.
મારબર્ગ વાયરસ (Marburg virus) કેવી રીતે ફેલાય છે?
આ મારબર્ગ વાયરસ (Marburg virus) ચેપગ્રસ્ત ચામાચીડિયાથી માણસોમાં ફેલાય છે. તે ચામાચીડિયાના પેશાબ અને લાળના સંપર્ક દ્વારા મનુષ્યોમાં પણ ફેલાય છે. ચિંતાની વાત એ છે કે આ વાયરસ એક વ્યક્તિથી બીજામાં ફેલાય છે. મારબર્ગ વાયરસ (Marburg virus) ચેપગ્રસ્ત લોકોના લોહી, શરીરના પ્રવાહી અને ચેપગ્રસ્ત દર્દી દ્વારા ઉપયોગમાં લેવાતા પથારી અને કપડાં સાથે સીધા સંપર્ક દ્વારા ફેલાય છે. ચેપગ્રસ્ત દર્દીઓની સારવાર કરતા આરોગ્ય કર્મચારીઓ પણ આ વાયરસથી સંક્રમિત થઈ શકે છે. આ વાયરસ એક વ્યક્તિથી બીજામાં ફેલાઈ શકે છે તેથી એક જ વિસ્તારમાં બહુવિધ કેસ બનવાનું જોખમ રહેલું છે.
શું ભારતમાં પણ ખતરો છે?
ડોકટરોનું માનીએ તો ભારતમાં આ મારબર્ગ વાયરસ (Marburg virus)ના ખતરાથી ગભરાવાની જરૂર નથી પરંતુ આપણે સતર્ક રહેવું પડશે. આફ્રિકન દેશોમાં જનારા અને ત્યાંથી ભારત આવતા લોકોએ ટેસ્ટ કરાવવો પડશે. જો કોઈને મારબર્ગ વાયરસ (Marburg virus)ના લક્ષણો દેખાતા હોય તો આવા લોકોને અલગ રાખવાની જરૂર છે.