BEFORE OPERATION SINDOOR : ઓપરેશન સિંદૂર અગાઉ પણ ભારતે પાકિસ્તાન સામે આ 5 ઓપરેશન હાથ ધરેલા, આતંકવાદનો ખાતમો કરેલો
BEFORE OPERATION SINDOOR : પહેલગામ હુમલા પછી ભારતે ‘ઓપરેશન સિંદૂર’ નામનો હવાઈ હુમલો કર્યો જેમાં ભારતના રાફેલ, સુખોઈ અને બ્રહ્મોસે પાકિસ્તાનને હરાવવામાં મહત્વપૂર્ણ ભૂમિકા ભજવી છે. આ હવાઈ હુમલામાં પાકિસ્તાનની હવાઈ સંરક્ષણ પ્રણાલી કેવી રીતે નિષ્ફળ ગઈ?
BEFORE OPERATION SINDOOR : પાકિસ્તાને આ સિસ્ટમ ચીન પાસેથી ખરીદી હતી. ભારતની કાર્યવાહી બાદ, પાકિસ્તાન હવે પોતાનું વલણ બતાવી શકે છે, જેને ધ્યાનમાં રાખીને ભારતીય સેનાએ વિશ્વની સૌથી ખતરનાક S-400 એર ડિફેન્સ મિસાઇલ સિસ્ટમ સક્રિય કરી છે. અત્રે ઉલ્લેખનીય છે કે પાકિસ્તાન સામે આ ભારતનું પહેલું ઓપરેશન નથી. આ અગાઉ પણ ભારતે પાકિસ્તાન વિરુદ્ધ અનેક કાર્યવાહી કરી છે જેમાં તે સફળ પણ રહ્યું છે.
વર્ષ 1984માં ઓપરેશન મેઘદૂત
1984માં પાકિસ્તાને સિયાચીન વિસ્તારમાં પગ પેસારો કરવાનો પ્રયાસ કર્યો હતો, જેનો ભારતે યોગ્ય જવાબ આપ્યો હતો. એવું કહેવાય છે કે જ્યારે પાકિસ્તાને સિયાચીન ગ્લેશિયર કબજે કરવા માટે પોતાની સેના મોકલી હતી ત્યારે તેને મુક્ત કરાવવા માટે ઓપરેશન મેઘદૂત શરૂ કરવામાં આવ્યું હતું.
ભારતીય સેનાએ પાકિસ્તાની સેનાને ત્યાંથી ભગાડી દીધી અને ઘણી ચોકીઓ પર કબજો કર્યો. સિયાચીન ગ્લેશિયર વિશ્વનું સૌથી ઊંચું યુદ્ધક્ષેત્ર છે, જે હવે સંપૂર્ણપણે ભારતીય સેનાના કબજામાં છે. તીવ્ર ઠંડી અને પ્રતિકૂળ પરિસ્થિતિઓમાં પણ, ભારતીય સૈનિકો દિવસ-રાત ત્યાં ચોકી કરે છે, જેથી તેઓ દેશને આતંકવાદીઓથી બચાવી શકે.
વર્ષ 1999માં ઓપરેશન વિજય
વર્ષ 1999ના ઉનાળામાં પાકિસ્તાની સેના ભારતમાં ઘૂસી ગઈ હતી. આ માહિતી મળતા જ ભારતીય સેનાએ વાયુસેના સાથે મળીને દુશ્મનોને ભગાડવા માટે ઓપરેશન વિજય શરૂ કર્યું હતુ. તેમાં લગભગ 35,000 સૈનિકોએ ભાગ લીધો હતો. દેશની રક્ષા કરતી વખતે અનેક બહાદુર સૈનિકોએ પોતાના જીવ ગુમાવ્યા હતા, તેમને આજે પણ યાદ કરવામાં આવે છે.
વર્ષ 2008માં ઓપરેશન બ્લેક ટોર્નેડો
વર્ષ 2008માં પાકિસ્તાનના આતંકવાદીઓ દ્વારા મુંબઈ શહેરનો નાશ કરવામાં આવ્યો હતો. આ સમયગાળા દરમિયાન આતંકવાદીઓએ અલગ અલગ સ્થળોએ લોકોને બંધક બનાવ્યા હતા. આ હુમલાનો સામનો કરવાની જવાબદારી NSG કમાન્ડોને સોંપવામાં આવી હતી.
પહેલા દિવસે તેઓએ ત્યાં 9 બંધકોને બચાવ્યા. આ દરમિયાન તાજ અને ઓબેરોય હોટલમાં કમાન્ડો અને આતંકવાદીઓ વચ્ચે ગોળીબાર ચાલુ હતો. આ સમયગાળા દરમિયાન તાજ હોટેલમાંથી લગભગ 300 અને ઓબેરોયમાંથી 250 બંધકોને બચાવી લેવામાં આવ્યા હતા.
વર્ષ 2016માં સર્જિકલ સ્ટ્રાઈક
વર્ષ 2016માં ભારતે સરહદ પાર કરીને પાકિસ્તાન સામે સર્જિકલ સ્ટ્રાઈક કરી હતી. તેનો પડઘો આજે પણ સંભળાય છે. વર્ષ 2016માં ઉરીમાં થયેલા આતંકવાદી હુમલાનો બદલો લેતા ભારતીય સેનાએ સરહદ પાર કરીને આતંકવાદીઓને ઠાર માર્યા હતા. આ હુમલો પેરાટ્રૂપર્સ અને સૈનિકો દ્વારા કરવામાં આવ્યો હતો.
વર્ષ 2019માં ઓપરેશન બંદર
ભારતીય વાયુસેનાએ ફેબ્રુઆરી 2019માં પાકિસ્તાનના બાલાકોટમાં જૈશ-એ-મોહમ્મદના આતંકવાદી ઠેકાણાઓ પર હુમલો કર્યો હતો. આ હુમલામાં આતંકવાદી મસૂદ અઝહર માર્યો ગયો હોવાના પણ સમાચાર હતા. આ કામગીરીની ગુપ્તતા જાળવવા માટે, તેને એક કોડનેમ આપવામાં આવ્યું હતું. તેનું કોડનેમ ‘ઓપરેશન બંદર’ હતું. આ નામ રામ-રાવણ યુદ્ધમાં વાંદરાઓની ભૂમિકાથી પ્રેરિત હતું.
વધુ સમાચારો અને અપડેટ્સ જાણવા માટે અહીં ક્લિક કરો
ભારતની એરસ્ટ્રાઈક બાદ પાકિસ્તાન સંરક્ષણ મંત્રીએ કહ્યું- વળતી કાર્યવાહી નહીં કરીએ,પાકિસ્તાન બેકફૂટ પર