WAR AFTER 40 DAYS : અમેરિકા-ઈરાન વચ્ચે 2 અઠવાડિયાનો યુદ્ધવિરામ, 40મા દિવસે યુદ્ધ અટક્યું.
WAR AFTER 40 DAYS : અમેરિકા અને ઈરાન વચ્ચે 40 દિવસથી ચાલી રહેલા યુદ્ધ પછી આખરે 2 અઠવાડિયાના યુદ્ધવિરામ પર સહમતિ બની ગઈ છે. અમેરિકી રાષ્ટ્રપતિ ડોનાલ્ડ ટ્રમ્પે કહ્યું કે આ નિર્ણય પાકિસ્તાનના વડાપ્રધાન શાહબાઝ શરીફ અને આર્મી ચીફની અપીલ પછી લેવામાં આવ્યો.
યુદ્ધવિરામ પછી ટ્રમ્પે તેને વિશ્વ શાંતિ માટે મોટો દિવસ ગણાવ્યો છે. તેમણે ટ્રુથ સોશિયલ પર પોસ્ટ કરીને કહ્યું કે ઈરાન હવે સંઘર્ષથી થાકી ગયું છે અને શાંતિ ઈચ્છે છે. આ સાથે અન્ય પક્ષો પણ તણાવ સમાપ્ત કરવાના પક્ષમાં છે.
WAR AFTER 40 DAYS : ટ્રમ્પે કહ્યું કે અમેરિકા હોર્મુઝ સ્ટ્રેટમાં જહાજોની અવરજવર સંભાળવામાં મદદ કરશે, જેથી વેપાર અને સપ્લાય સામાન્ય બની રહે. તેમણે દાવો કર્યો કે આવનારા સમયમાં ઘણા સકારાત્મક પગલાં લેવામાં આવશે અને તેનાથી આર્થિક ગતિવિધિઓ પણ વધશે.
તેમણે એમ પણ કહ્યું કે ઈરાન હવે પોતાના દેશના પુનર્નિર્માણની પ્રક્રિયા શરૂ કરી શકે છે. અમેરિકા આ દરમિયાન સપ્લાય ઉપલબ્ધ કરાવશે અને પરિસ્થિતિ પર નજર રાખશે. ટ્રમ્પે વિશ્વાસ વ્યક્ત કર્યો કે આ સમય મિડલ ઈસ્ટ માટે ‘ગોલ્ડન એજ’ની શરૂઆત સાબિત થઈ શકે છે.
WAR AFTER 40 DAYS : યુદ્ધવિરામ પહેલાં ટ્રમ્પે ઈરાનને કડક ચેતવણી આપી હતી કે જો હોર્મુઝ સ્ટ્રેટમાંથી જહાજોને સુરક્ષિત રસ્તો નહીં મળે તો તે તેની આખી સભ્યતા ખતમ કરી દેશે. તેમણે મહત્ત્વપૂર્ણ ઇન્ફ્રાસ્ટ્રક્ચર પર હુમલાની પણ ધમકી આપી હતી.
ન્યૂયોર્ક ટાઈમ્સના રિપોર્ટ અનુસાર, આ ડીલ પાકિસ્તાનની મધ્યસ્થી અને છેલ્લી ઘડીએ ચીનના હસ્તક્ષેપ પછી શક્ય બની. પાકિસ્તાને 2 અઠવાડિયાના યુદ્ધવિરામનો પ્રસ્તાવ મૂક્યો હતો, જેને ઈરાને સ્વીકારી લીધો.
WAR AFTER 40 DAYS : સમજૂતી હેઠળ, અમેરિકા અને ઇઝરાયલ પોતાના હુમલા રોકશે. ઈરાન પણ હુમલા બંધ કરશે. આ દરમિયાન, હોર્મુઝ સ્ટ્રેટમાંથી તેલ, ગેસ અને અન્ય જહાજોની સુરક્ષિત અવરજવર ઈરાની સેનાની મદદથી સુનિશ્ચિત કરવામાં આવશે.
આ યુદ્ધવિરામ લેબનોન સહિત અન્ય વિસ્તારો પર પણ લાગુ પડશે. ત્યારબાદ 10 એપ્રિલે અમેરિકા અને ઈરાન વચ્ચે પાકિસ્તાનની રાજધાની ઈસ્લામાબાદમાં ઔપચારિક વાતચીત શરૂ થશે.
WAR AFTER 40 DAYS : યુદ્ધવિરામને લઈને ટ્રમ્પે કહ્યું છે કે ચીને ઈરાનને વાતચીત માટે તૈયાર કરવામાં મહત્વપૂર્ણ ભૂમિકા ભજવી છે. એક ટેલિફોનિક વાતચીતમાં તેમને પૂછવામાં આવ્યું કે શું ચીને ઈરાનને યુદ્ધવિરામ માટે પ્રેરિત કર્યું? આના પર ટ્રમ્પે કહ્યું, “હા, મેં સાંભળ્યું છે”. જોકે, આ મુદ્દે ચીનના વિદેશ મંત્રાલય તરફથી હજુ સત્તાવાર પ્રતિક્રિયા આવવાની બાકી છે.
તે જ સમયે, વોશિંગ્ટન સ્થિત ચીની દૂતાવાસના પ્રવક્તા લિયુ પેંગયુએ જણાવ્યું હતું કે સંઘર્ષ શરૂ થયો ત્યારથી ચીન યુદ્ધવિરામ અને યુદ્ધ સમાપ્ત કરવા માટે કામ કરી રહ્યું છે. તેમણે કહ્યું કે ચીન શાંતિ તરફના દરેક પ્રયાસનું સ્વાગત કરે છે અને તમામ પક્ષોએ વાતચીત દ્વારા મતભેદોનો અંત લાવવો જોઈએ.
WAR AFTER 40 DAYS : ચીને આશા વ્યક્ત કરી કે તમામ સંબંધિત પક્ષો આ તકનો લાભ ઉઠાવીને વહેલી તકે સંઘર્ષનો અંત લાવશે. નોંધનીય છે કે ચીન આ પહેલા 2023માં ઈરાન અને સાઉદી અરબ વચ્ચે સમજૂતી કરાવવામાં પણ મહત્વપૂર્ણ ભૂમિકા ભજવી ચૂક્યું છે