EXPLOSION IN JAMMU POLICE STATION : ફરીદાબાદ થી જપ્ત કરેલા વિસ્ફોટક ના સેમ્પલ લેતા સમયે શ્રીનગર પોલીસ સ્ટેશનમાં બ્લાસ્ટ થયો, 9 મોત, 30 ઘાયલ.
EXPLOSION IN JAMMU POLICE STATION : શુક્રવારે રાત્રે લગભગ 11:22 વાગ્યે જમ્મુ-કાશ્મીરના શ્રીનગરમાં આવેલા નૌગામ પોલીસ સ્ટેશનમાં એક પ્રચંડ વિસ્ફોટ થયો. જેમાં એક તહસીલદાર અને એક ઇન્સ્પેક્ટર સહિત નવ લોકો માર્યા ગયા. બાકીના મૃતદેહોની ઓળખ હજુ સુધી થઈ નથી. જોકે, 32 ઘાયલો, જેમાં મોટાભાગના પોલીસકર્મીઓ છે, તેમની 92 આર્મી બેઝ અને SKIMS સૌરા હોસ્પિટલમાં સારવાર ચાલી રહી છે.
અધિકારીઓના જણાવ્યા અનુસાર, વ્હાઇટ-કોલર આતંકવાદી મોડ્યુલ કેસના સંદર્ભમાં જપ્ત કરાયેલા વિસ્ફોટકોના નમૂના પોલીસ લઈ રહી હતી ત્યારે વિસ્ફોટ થયો હતો. જોકે, હજુ સુધી એ સ્પષ્ટ નથી કે 360 કિલોગ્રામ વિસ્ફોટકોનો સંપૂર્ણ જથ્થો પોલીસ સ્ટેશનમાં સંગ્રહિત હતો કે તેનો માત્ર એક ભાગ જ લાવવામાં આવ્યો હતો.
જમ્મુ-કાશ્મીરના પોલીસ મહાનિર્દેશક (DGP) નલિન પ્રભાતે જણાવ્યું હતું કે, “આ એક અકસ્માત હતો. સેમ્પલિંગ દરમિયાન વિસ્ફોટ થયો હતો. માર્યા ગયેલા નવ લોકોમાં એક ઇન્સ્પેક્ટર, ફોરેન્સિક ટીમના ત્રણ સભ્યો, ક્રાઇમ બ્રાન્ચના બે ફોટોગ્રાફર, બે મહેસૂલ અધિકારીઓ અને એક દરજીનો સમાવેશ થાય છે.”
હરિયાણાના ફરીદાબાદમાં ધરપકડ કરાયેલા ડૉ. મુઝમ્મિલ ગનાઈના ભાડાના ઘરમાંથી જપ્ત કરાયેલા વિસ્ફોટકોને કારણે આ વિસ્ફોટ થયો હતો. દિલ્હી વિસ્ફોટો પછી આતંકવાદી મોડ્યુલમાં ધરપકડ કરાયેલા આઠ આતંકવાદીઓમાં ગનાઈનો સમાવેશ થાય છે. જોકે, હજુ સુધી એ સ્પષ્ટ નથી કે 360 કિલોગ્રામ વિસ્ફોટકો પોલીસ સ્ટેશનમાં રાખવામાં આવ્યા હતા કે નહીં. 10 નવેમ્બરના રોજ લાલ કિલ્લા મેટ્રો સ્ટેશનના ગેટ નંબર 1 પાસે એક i20 કારમાં વિસ્ફોટ થયો હતો, જેમાં 13 લોકો માર્યા ગયા હતા.