PAKISTANI NEVY REVEALED : ઈરાન નજીક યુદ્ધ જહાજો જોતાં પાકિસ્તાની નૌકાદળ કરાચી થી નાસ્યા હતા.
કરાચી નૌકાદળ મથક પરથી પાકિસ્તાનના તમામ મોટા યુદ્ધ જહાજો ગુમ થઈ ગયા હતા. કરાચીના કોમર્શિયલ કાર્ગો પોર્ટ પર ત્રણ યુદ્ધ જહાજો એકસાથે જોવા મળ્યા હતા.
PAKISTANI NEVY REVEALED : ઓપરેશન સિંદૂર અંગે એક મોટો ખુલાસો થયો છે. સેટેલાઇટ ઈમેજોદ્વારા ખુલાસો થયો છે કે જ્યારે ભારત પાકિસ્તાન પર હુમલો કરી રહ્યું હતું ત્યારે પાકિસ્તાની નૌકાદળ નાસ્યુ હતું. સેટેલાઇટ ઈમેજો સ્પષ્ટપણે દર્શાવે છે કે મે મહિનામાં ભારતના ઓપરેશન સિંદૂર દરમિયાન, પાકિસ્તાની નૌકાદળે કરાચીથી તેના યુદ્ધ જહાજો માત્ર હટાવ્યા જ નહીં, પરંતુ તેને કોમર્શિયલ ટર્મિનલ્સ પર લઈ જવામાં આવ્યા હતા અથવા ઈરાની સરહદ તરફ મોકલવામાં આવ્યા હતા. અત્યાર સુધી, પાકિસ્તાન સતત દાવો કરી રહ્યું છે કે તેણે ભારતને યોગ્ય જવાબ આપ્યો છે, પરંતુ સેટેલાઇટ ઈમેજોએ પાકિસ્તાનનો પર્દાફાશ કર્યો છે.
PAKISTANI NEVY REVEALED : સેટેલાઇટ ઈમેજો દર્શાવે છે કે ઓપરેશન સિંદૂર દરમિયાન, પાકિસ્તાને કરાચીથી લગભગ 100 કિમી દૂર ગ્વાદર તરફ તેનું ફ્રન્ટલાઈન યુદ્ધ જહાજ મોકલ્યું હતું. પાકિસ્તાન ધારી રહ્યું હતું કે ભારત કરાચી બંદર પર હુમલો કરવા જઈ રહ્યું છે. ભારતે 1971માં કરાચી બંદર પર વિનાશક હુમલા કર્યા હતા, જેના કારણે કરાચી બંદર ઘણા દિવસો સુધી સળગતું રહ્યું હતું. સેટેલાઇટ ઈમેજો દર્શાવે છે કે કરાચી કાર્ગો બંદર પર ઘણા મોટા જહાજો ઉભા હતા.
અહેવાલ મુજબ, આ તસવીરોએ પાકિસ્તાનના ‘પ્રતિશોધાત્મક હુમલા’ની વાર્તાનો સંપૂર્ણ અંત લાવી દીધો છે. કરાચી નૌકાદળ મથક પરથી પાકિસ્તાનના તમામ મોટા યુદ્ધ જહાજો ગુમ થઈ ગયા હતા. તેમની જગ્યાએ, કરાચીના કોમર્શિયલ કાર્ગો પોર્ટ પર ત્રણ યુદ્ધ જહાજો એકસાથે જોવા મળ્યા હતા, જ્યારે શહેરના બીજા કાર્ગો ટર્મિનલ પર બીજું જહાજ જોવા મળ્યું હતું. આ ઈમેજો સ્પષ્ટપણે દર્શાવે છે કે પાકિસ્તાને ભારતના બદલાના ડરથી તેના જહાજોને સલામત સ્થળોએ મોકલી દીધા હતા.
PAKISTANI NEVY REVEALED : પાકિસ્તાન સતત ડરતું હતું કે જો યુદ્ધ વધશે તો ભારતીય નૌકાદળ કરાચી બંદરને સંપૂર્ણપણે નાશ કરશે. ભારતે અરબી સમુદ્રને સંપૂર્ણપણે બંધ કરી દીધો હતો. ભારતના વિમાનવાહક જહાજો તેમના સમગ્ર કાફલા સાથે પાકિસ્તાન પર હુમલો કરવા માટે તૈયાર હતા. જોકે, ભારતીય નૌકાદળે હુમલો કર્યો ન હતો.
6-7 મેની રાત્રે, ભારતે પીઓકે અને પાકિસ્તાનના પંજાબમાં આતંકવાદી છાવણીઓ પર હુમલો કર્યો હતો. અને અહેવાલ આપ્યો છે કે આ તસવીરો 8 મેની છે. સેટેલાઇટ ઈમેજોએ એક ચોંકાવનારી માહિતી જાહેર કરી છે કે પાકિસ્તાનના મુખ્ય યુદ્ધ જહાજો તેમના નિયુક્ત નૌકાદળ મથકમાંથી ગુમ થઈ ગયા છે.
PAKISTANI NEVY REVEALED : તેના બદલે, તેઓએ કરાચીના કોમર્શિયલ કાર્ગો બંદર પર આશરો લીધો હતો. ત્રણ યુદ્ધ જહાજો એકસાથે તૈનાત જોવા મળ્યા હતા, જ્યારે કરાચીના બીજા કોમર્શિયલ બંદર પાસે એક અલગ યુદ્ધ જહાજ જોવા મળ્યું હતું, જે સાબિત કરે છે કે પાકિસ્તાન ભારતીય હુમલાઓથી કેટલું ડરી ગયું હતું.
સેટેલાઇટ ઈમેજોનું વિશ્લેષણ કરનારા ઓપન સોર્સ ઇન્ટેલિજન્સના ડેમિયન સિમોને જણાવ્યું હતું કે “ઓપરેશન સિંદૂર દરમિયાન, ભારતના પ્રથમ સ્વદેશી વિમાનવાહક જહાજ INS વિક્રાંતે તેની પ્રથમ લડાઇ તૈનાત કરી હતી અને પાકિસ્તાની નૌકાદળ સતત અરબી સમુદ્રમાં તેની પ્રવૃત્તિઓ વિશે વાત કરી રહ્યું હતું, જે અરબી સમુદ્રના ઉત્તરીય પાણીમાં નવી દિલ્હી દ્વારા લાદવામાં આવતા દબાણને પ્રતિબિંબિત કરે છે.
PAKISTANI NEVY REVEALED : પાકિસ્તાનને લાગતું હતું કે ભારત ચોક્કસપણે કરાચી બંદર પર હુમલો કરશે, તેથી એવું લાગે છે કે પાકિસ્તાને પહેલાથી જ તેના કાફલાને વિખેરી નાખ્યો હતો, અને તણાવ વધારવા અને કટોકટીની તૈયારી કરવા માટે તેના સાધનો છુપાવી દીધા હતા.”