#StrawberryMoon2025 : આજે રાતે આકાશમાં દેખાશે રહસ્યમય સ્ટ્રોબેરી મૂન..
#StrawberryMoon2025: 11 જૂનની રાત ખૂબ જ ખાસ બનવાની છે. આ દિવસે, વર્ષની સૌથી રહસ્યમય અને સુંદર ખગોળીય ઘટના આકાશમાં જોવા મળશે. જૂન મહિનાની છેલ્લી પૂર્ણિમાના દિવસે રાત્રે સ્ટ્રોબેરી મૂન જોવા મળશે.
#StrawberryMoon2025 : આકાશમાં એક એવી રહસ્યમય અને સુંદર ખગોળીય ઘટના બનવા જઈ રહી છે જે લગભગ 20 વર્ષમાં જોવા મળશે નહીં. પૂર્ણ ચંદ્ર સાથે એક દુર્લભ સંયોગ આકાશમાં જોવા મળશે જે ‘આકાશ નિરીક્ષકો’ને મંત્રમુગ્ધ કરી દેશે. 11 જૂન, 2025 ની રાતે એટલે કે આજે રાતે આકાશમાં ‘સ્ટ્રોબેરી મૂન’ (Strawberry Moon) દેખાવાનો છે.
#StrawberryMoon2025 : જૂન મહિનાની છેલ્લી પૂર્ણિમાની રાત્રે સ્ટ્રોબેરી મૂન જોવા મળશે. આ દિવસે ચાંદા મામાનું તેજ જોવા જેવું હશે. જણાવી દઈએ કે આ વર્ષે આ એક માઇક્રો મૂન પણ હશે, જે પૃથ્વીથી થોડે દૂર હોવાને કારણે સામાન્ય કરતાં થોડો નાનો અને ઝાંખો દેખાશે. આ ખગોળીય ઘટના તેના સાંસ્કૃતિક અને ઐતિહાસિક મહત્ત્વ માટે પણ જાણીતી છે. ચાલો જાણીએ આ વિશે વિગતવાર.
#StrawberryMoon2025:જણાવી દઈએ કે આ વખતે સ્ટ્રોબેરી મૂન ફક્ત નામ કે રંગને કારણે જ નહીં, પરંતુ તેના ‘માઈક્રો મૂન’ અને ‘મેજર લૂનર સ્ટેન્ડસ્ટીલ’ને કારણે પણ ખૂબ જ ખાસ છે. જોકે તેનો રંગ સ્ટ્રોબેરી જેવો નથી, પરંતુ તેનું નામ અમેરિકન આદિવાસી પરંપરાઓ સાથે સંકળાયેલું છે, જ્યાં જૂનમાં સ્ટ્રોબેરીની લણણીની શરૂઆત આ પૂર્ણિમા પછી થતી હતી. આ વર્ષે ચંદ્ર પૃથ્વીથી સૌથી દૂરના અંતરે હશે, જેના કારણે તે સામાન્ય કરતા નાનો અને નીચો દેખાશે. આ સ્થિતિ દર 18.6 વર્ષે એકવાર આવે છે અને આગલી વખતે આવો ચંદ્ર ફક્ત 2043 માં જ દેખાશે, એટલે કે, આજની તક એક દુર્લભ અનુભવ હોઈ શકે છે.
#StrawberryMoon2025 ક્યાંથી જોવા મળશે આ નજારો
આ વર્ષે જૂનની પૂનમ એટલા માટે પણ ખાસ છે કારણ કે તે મેજર લૂનર સ્ટેન્ડસ્ટિલની સ્થિતિમાં હશે. આ ખગોળીય ઘટના દરમિયાન, ચંદ્ર તેની ભ્રમણકક્ષાના અત્યંત ઝોક પર હોય છે, જેના કારણે તે આકાશમાં સામાન્ય કરતા ઘણો નીચો દેખાય છે. વૈજ્ઞાનિકો કહે છે કે આ ઘટનાને કારણે, ચંદ્રપ્રકાશમાં સોનેરી, ગરમ ચમક જોવા મળી શકે છે. ભારતમાં, 11 જૂનની સાંજે સૂર્યાસ્ત પછી સ્ટ્રોબેરી મૂન દક્ષિણ-પૂર્વ દિશામાં જોઈ શકાય છે. દિલ્હી, મુંબઈ, કોલકાતા અને બેંગલુરુ જેવા શહેરોમાં, આ નજારો સાંજે 7 વાગ્યા પછી દેખાશે.
#StrawberryMoon2025 ક્યારે જોવા મળશે સ્ટ્રોબેરી મૂન
સ્ટ્રોબેરી મૂન 11 જૂન, 2025ના રોજ સવારે 03.44 વાગ્યે (અમેરિકન સમય મુજબ) દેખાશે અને ભારતમાં 1:15 વાગ્યાથી દેખાવા લાગશે. જો તમે આ અદ્ભુત દૃશ્યને યોગ્ય રીતે જોવા માંગતા હો, તો શહેરના પ્રકાશથી દૂર ખુલ્લા અને ઓછા પ્રદૂષિત સ્થળે જવું વધુ સારું રહેશે. આ ચંદ્ર રોમાંચ અને સુંદરતાથી ભરેલો હશે, સાથે જ ખગોળશાસ્ત્ર પ્રેમીઓ માટે એક સુવર્ણ તક પણ છે. ચંદ્ર જોવાની આ દુર્લભ તક ફરી 18 વર્ષ પછી જ મળશે, તેથી 11 જૂનની રાત્રે આકાશ તરફ ચોક્કસ નજર નાખો.