Gold-Silver Price Today: ઈન્ટરનેશનલ માર્કેટમાં કિંમતી ધાતુઓની કિંમતમાં ઘટાડો થવાના કારણે સ્થાનિક બજારમાં પણ ઘટાડો જોવા મળી રહ્યો છે. છેલ્લા કેટલાક દિવસોમાં સોનાના ભાવમાં રેકોર્ડ ઘટાડો નોંધાયા બાદ તેમાં ઉતાર-ચઢાવનો સમય ચાલી રહ્યો છે. બીજી તરફ ડોલર સામે રૂપિયો પણ નીચા સ્તર પર છે. દિવાળી અને ધનતેરસ પહેલા મંગળવારે મલ્ટી-કોમોડિટી એક્સચેન્જ ( MCX Gold Price) અને બુલિયન માર્કેટમાં ઘટાડાનો ટ્રેન્ડ જોવા મળ્યો હતો.
MCX પર સોના-ચાંદીના ભાવ ઘટ્યા
મલ્ટી-કોમોડિટી એક્સચેન્જ (MCX) પર મંગળવારે સોનાના વાયદાનો દર 131 રૂપિયા ઘટીને 50892 રૂપિયા પ્રતિ 10 ગ્રામ પર ટ્રેડ કરી રહ્યો છે. અગાઉ સોમવારના સત્રમાં તે 51023 રૂપિયા પ્રતિ 10 ગ્રામ પર બંધ થયો હતો. એ જ રીતે ચાંદી 514 રૂપિયાના ઘટાડા સાથે 58588 રૂપિયા પ્રતિ કિલો પર કારોબાર કરી રહી છે. અગાઉ તેનું ક્લોઝિંગ 59102 રૂપિયા પ્રતિ કિલો હતું.
છેલ્લા 9 મહિનાના નિચલા સ્તર પર પહોંચ્યું સોનું
થોડા દિવસ પહેલા ડોલર સામે રૂપિયો નીચા સ્તરે પહોંચ્યા બાદ સોનું 9 મહિનાની નીચી સપાટીએ આવી ગયું હતું. જોકે તેના પછી સોનાની કિંમતમાં વધારો થયો છે. ઈન્ડિયા બુલિયન એસોસિએશન (https://ibjarates.com) તરફથી મંગળવારે જારી કરાયેલા ભાવ મુજબ 24 કેરેટ સોનાના ભાવમાં 349 રૂપિયાનો ઘટાડો જોવા મળ્યો હતો અને તે 50771 રૂપિયા પ્રતિ 10 ગ્રામ પર પહોંચી ગયો હતો. તે જ સમયે 999 ટચ ચાંદીનો ભાવ 1,068 રૂપિયા પ્રતિ કિલો ઘટીને 57881 રૂપિયા થયો હતો.
અગાઉ સેશનની શરૂઆતમાં સોનું 51120 રૂપિયા અને ચાંદી 58949 રૂપિયા પર બંધ થયું હતું. https://ibjarates.com મુજબ મંગળવારે 23 કેરેટ સોનાનો ભાવ 50568 રૂપિયા પ્રતિ 10 ગ્રામ, 22 કેરેટનો ભાવ 46506 રૂપિયા પ્રતિ 10 ગ્રામ અને 18 કેરેટનો ભાવ 38078 રૂપિયા પ્રતિ 10 ગ્રામ પર પહોંચી ગયો હતો.