CHEAP GOLD AND LOAN : સસ્તુ સોનું અને લોનના નામે વેપારી પાસે 4.92 કરોડ પડાવનાર ગેંગની મહિલા અને સાગરીત પકડાયા
CHEAP GOLD AND LOAN : સસ્તુ સોનુ અને લોનના નામે કર્ણાટકના વેપારી સાથે છેતરપિંડી કરનાર ટોળકીની મહિલા સાગરીત અને અન્ય એક શખ્સને પોલીસે ઝડપી પાડ્યા છે. જ્યારે સૂત્રધાર હજી ફરાર છે.
કર્ણાટકના વેપારીને સસ્તું સોનુ અને 10 કરોડની લોન અપાવવાના નામે વડોદરા બોલાવ્યા બાદ મુજ મહુડાના સિગ્નેટ હબમાં ઓફિસ ધરાવતા વિશાલ તેમજ નયનાએ રૂ.દસ લાખ પડાવ્યા હતા.
ત્યારબાદ આ ઠગ જોડીએ વેપારીનો સંપર્ક રાધે ફાઇનાન્સ એન્ડ ઈમ્પોર્ટ એક્સપોર્ટના નામે ઓફિસ ધરાવતા ઇલિયાસ ઉર્ફે રાજવીર પરીખનો સંપર્ક કરાવ્યો હતો. ઇલિયાસે વેપારીને નકલી સોનુ પધરાવવાનો તખ્તો ઘડી રૂપિયા પડાવ્યા હતા. આમ વેપારીએ રૂ.4.92 કરોડ ગુમાવી દેતા પોલીસ ફરિયાદ કરી હતી.
આ ગુનામાં ક્રાઈમ બ્રાન્ચ છે લોન અપાવવાના નામે ઠગાઈ કરનાર જોડી પૈકીની નયના મનહરસિંહ મહિલા (દિપ દર્શન-2, નારાયણ વાડી, અટલાદરા) તેમજ ભાવેશ નરવતસિંહ પરમાર (લક્ષ્મી કુંજ સોસાયટી,વડસર રોડ) ને ઝડપી પાડ્યા છે.