21 માર્ચથી એટલે આજથી હોળાષ્ટક શરૂ થઇ રહ્યા છે. હોલાષ્ટકમાં આઠ દિવસથી શરૂ થતાં તમામ શુભ કાર્ય પર પ્રતિબંધ રહેશે. 28 માર્ચે હોલિકા દહન બાદ, 29 માર્ચથી ફરી શુભ કાર્યો થઈ શકે છે. હોલાષ્ટકને અષ્ટમીથી ફાલ્ગુન મહિનાના શુક્લ પક્ષની પૂર્ણિમાની તારીખ સુધી માનવામાં આવે છે. હોળીશતક હોળી દહનના આઠ દિવસ પહેલા હોવાનું કહેવાય છે. આ સમય 21થી 28 માર્ચ સુધી હોલાષ્ટક રહેશે.
આ અંગે ધાર્મિક માન્યતા છે કે અસુરોના રાજા હિરણ્યકશ્યપે ફાગણ મહિનાના સુદ પક્ષની આઠમ તિથિથી જ પ્રહલાદને મારવા માટે તેના ઉપર અત્યાચાર શરૂ કરી દીધા હતાં. આઠ દિવસ સુધી અત્યાચાર સહન કર્યા પછી ફાગણ મહિનાની પૂનમના દિવસે હોલિકા સાથે પ્રહલાદને અગ્નિમાં બેસાડી દેવામાં આવ્યો હતો. હોળીના પહેલાંના આઠ દિવસ સુધી ભક્ત પ્રહલાદે જે અત્યાચાર સહન કર્યા હતાં, આ કારણે હોળાષ્ટકમાં શુભ કામ કરવાની મનાઈ છે.
આ દરમિયાન અષ્ટમી પર ચંદ્ર, નવમી પર સૂર્ય, દશમી પર શનિ, એકાદશી પર શુક્ર, દ્વાદશી પર ગુરુ, ત્ર્યોદશી પર બુધ, ચતુર્દશી પર મંગળ અને પૂર્ણિમા પર રાહુ સળગતા સ્વભાવમાં રહે છે. આ ગ્રહોની ઉગ્રતાને કારણે મનુષ્યની નિર્ણય લેવાની ક્ષમતા નબળી પડી જાય છે.
હાલ ઋતુ પરિવર્તનનો સમય પણ છે. ઠંડીના દિવસો પૂરા થઈ ગયા છે અને ગરમીનો સમય શરૂ થઇ રહ્યો છે. આ દિવસોમાં સ્વાસ્થ્યને લગતી સાવધાની રાખવી જોઇએ, નહીંતર સિઝનલ બીમારીઓ આપણાં ઉપર હાવી થઇ શકે છે. આ સમયે ગ્રહોની સ્થિતિ ઠીક રહેશે નહીં. આ કારણે મોટાભાગના લોકોને માનસિક તણાવનો સામનો કરવો પડે છે. સ્વભાવમાં ગુસ્સો વધે છે.
હોળાષ્ટકના દિવસોમાં પોતાના આરાધ્ય દેવના મંત્રનો અથવા તેમના નામનો જાપ કરવો જોઇએ. પૂજા-પાઠ કરો. રોજ સવારે જલ્દી જાગો અને થોડીવાર માટે ધ્યાન કરો. આવું કરવાથી મનના નકારાત્મક વિચાર દૂર થાય છે અને પોઝિટિવિટી વધે છે. હોળાષ્ટકના દિવસોમાં નકારાત્મકતા રહેશે તો તેની વધારે ખરાબ અસર આપણાં જીવન ઉપર થઇ શકે છે. એટલે વિચારોને પોઝિટિવ જાળવી રાખવાં. કોઇ ગૌશાળામાં ગાયને ઘાસ ખવડાવવું અને ધનનું દાન કરવું. જરૂરિયાતમંદ લોકો માટે ભોજનની વ્યવસ્થા કરો. આ દિવસોમાં ધાર્મિક કાર્યોમાં મન લાગશે તો અશાંતિ દૂર થઇ શકે છે.