સુપ્રસિધ્ધ યાત્રાધામ અંબાજી મંદિરના દ્વાર આજથી દર્શનાર્થીઓ માટે બંધ કરવામાં આવ્યા છે. આજથી 22 જાન્યુઆરી સુધીમાં અંબાજીના સીધા દર્શન માઈ ભક્તો કરી શકશે નહીં. જો કે માતાજીની સવાર અને સાંજની આરતીના દર્શન સોશિયલ મીડિયા થકી જીવંત નિહાળી શકાશે. આ સાથે અંબાજીમાં 17 જાન્યુઆરીએ માં અંબાના પ્રાગ્ટ્યોત્સના તમામ કાર્યક્રમો પણ રદ્દ કરવામાં આવ્યા છે. ઉપરાંત ગબ્બરથી અંબાજી મંદિરની જ્યોતયાત્રા તથા ચાચરચોકની આરતી પણ કરાશે નહીં. તેમજ માં અંબેની શોભાયાત્રા તેમજ માતાજીની નગરયાત્રા પણ મુલતવી રાખવામાં આવી છે. મહત્વનું છે કે, રાજ્યમાં કોરોનાનું સંક્રમણ વધતા આ નિર્ણય લેવામાં આવ્યો છે.