Supreme Court On Street Dogs : ‘શેલ્ટર હોમમાં ન રાખો, નસબંધી જ સાચો ઉપાય..’, રખડતાં કૂતરાઓ અંગે સુપ્રીમ કોર્ટનો મોટો ચુકાદો
Supreme Court On Street Dogs : દિલ્હીમાં રખડતાં કૂતરાઓને શેલ્ટર હોમમાં પૂરવાના આદેશનો સખત વિરોધ થયાં બાદ અંતે સુપ્રીમ કોર્ટે પોતાના નિર્ણયમાં ફેરફાર કર્યો છે. સુપ્રીમ કોર્ટે શેલ્ટર હોમમાં મોકલવામાં આવેલા કૂતરાઓને છોડવાનો આદેશ આપ્યો છે. માત્ર બીમાર અને આક્રમક કૂતરાઓને જ શેલ્ટર હોમમાં રાખવામાં આવશે. તેમજ નસબંધી કરીને કૂતરાઓને છોડી મૂકવામાં આવશે.
Supreme Court On Street Dogs : કૂતરા માટે ગમે-ત્યાં ભોજન મૂકી શકાશે નહીં
Supreme Court On Street Dogs : જસ્ટિસ વિક્રમ નાથની આગેવાની હેઠળ ત્રણ જજોની બેન્ચે આ નિર્દેશ આપ્યો છે. તેમણે તમામ રાજ્યો અને કેન્દ્રશાસિત પ્રદેશો માટે પણ આ નોટિસ જાહેર કરી છે. દરેક મ્યુનિસિપલ વિસ્તારમાં રખડતાં કૂતરાઓના ભોજન માટે અલગથી જગ્યા બનાવવામાં આવશે. તેમજ નિર્ધારિત સ્થળ પર જ કૂતરાઓને ભોજન આપી શકાશે. જાહેર સ્થળો પર ગમે-ત્યાં ભોજન મૂકી શકાશે નહીં. આમ કરનારા વિરૂદ્ધ કાર્યવાહી હાથ ધરાશે.
Supreme Court On Street Dogs : સુપ્રીમ કોર્ટનો આદેશ- પકડાયેલા કૂતરાઓને નસબંધી પછી છોડવામાં આવે:હિંસક કૂતરાઓ કેદમાં રહેશે; પકડવાથી રોક્યા તો ₹25,000 દંડ, NGO પર ₹2 લાખ દંડ
Supreme Court On Street Dogs : સુપ્રીમ કોર્ટનો આદેશ, 3 મુદ્દા
કોર્ટે કહ્યું કે મ્યુનિસિપલ કોર્પોરેશને આદેશની કલમ 12, 12.1 અને 12.2નું પાલન કરવું પડશે. કૂતરાઓને કૃમિનાશક દવા, રસીકરણ વગેરે પછી તે જ વિસ્તારમાં પકડીને છોડી દેવા જોઈએ. પરંતુ આક્રમક અથવા હડકવાથી સંક્રમિત કૂતરાઓને છોડવામાં આવશે નહીં.
ન્યાયાધીશ નાથે કહ્યું કે જાહેર સ્થળોએ કૂતરાઓને ખોરાક આપવા પર પ્રતિબંધ રહેશે. આ માટે, અલગ સમર્પિત ફીડિંગ ઝોન બનાવવા જોઈએ. તેમણે કહ્યું કે અયોગ્ય ખોરાક આપવાને કારણે ઘણી ઘટનાઓ બની છે.
કોર્ટે અગાઉના આદેશ (પેરા 13)ને પુનરાવર્તિત કર્યો અને સુધારો કર્યો કે કોઈ વ્યક્તિ કે સંગઠન આ સેવાઓમાં અવરોધ નહીં લાવે. ઉપરાંત, કૂતરા પ્રેમીઓ અને NGO એ કોર્ટ રજિસ્ટ્રીમાં અનુક્રમે ૨૫ હજાર રૂપિયા અને ૨ લાખ રૂપિયા જમા કરાવવા પડશે.
Supreme Court On Street Dogs : મેનકા ગાંધીએ સુપ્રીમ કોર્ટના નિર્ણય પર પણ સવાલો ઉઠાવ્યા
મેનકા ગાંધીએ સુપ્રીમ કોર્ટના આ આદેશ પર પણ સવાલ ઉઠાવ્યા છે. મેનકાએ સોમવારે એમ પણ કહ્યું હતું કે, ‘દિલ્હીમાં ત્રણ લાખ રખડતા કૂતરા છે. તે બધાને પકડીને આશ્રય ગૃહોમાં મોકલવામાં આવશે. તેમને રસ્તાઓ પરથી દૂર કરવા માટે, દિલ્હી સરકારે 1 હજાર કે 2 હજાર આશ્રય ગૃહો બનાવવા પડશે. કારણ કે ઘણા બધા કૂતરા એકસાથે રાખી શકાતા નથી.’