SUN HELO SEEN IN JAFFRABAD : અમરેલીના જાફરાબાદના આકાશમાં 1 કલાક સુધી જોવા મળ્યું અલૌકિક ‘સૂર્યવલય’
SUN HELO SEEN IN JAFFRABAD : અમરેલીના જાફરાબાદ અને આસપાસના ગ્રામ્ય વિસ્તારોના આકાશમાં એક અદ્ભુત અને અલૌકિક કુદરતી દૃશ્ય જોવા મળ્યું, જ્યારે સૂર્યની આસપાસ મેઘધનુષ જેવું ગોળાકાર વલય રચાયું હતું. જાફરાબાદના લોર ગામ સહિત આસપાસના પંથકોમાં ગ્રામજનોએ આ અનોખા ‘સૂર્યવલય’ને આશરે એક કલાક સુધી માણ્યો હતો.
આ અલૌકિક નજારો જોતાં જ ગ્રામજનો આશ્ચર્યચકિત થઈ ગયા હતા. લોર ગામના લોકોએ તરત જ પોતાના મોબાઇલ કેમેરામાં આ દૃશ્યો કેદ કરી લીધા હતા. આકાશમાં વાદળોની વચ્ચે સૂર્યની ફરતે રચાયેલું આ રંગીન વલય કોઈ દિવ્ય શક્તિનો અહેસાસ કરાવતું હતું. આને વિજ્ઞાનની ભાષામાં ‘Halo’ કહેવામાં આવે છે
આવા દૃશ્યો ભાગ્યે જ જોવા મળે છે, અને તેને વિજ્ઞાનની ભાષામાં ‘Halo’ કહેવામાં આવે છે. આકાશમાં બરફના અતિશય ઝીણા કણોની હાજરી અને સૂર્યપ્રકાશના કિરણો જ્યારે તેમાંથી પસાર થાય ત્યારે આ પ્રકારનું વલય રચાય છે.
લોકોમાં એવી માન્યતા પ્રચલિત છે કે જ્યારે આકાશમાં આવા દૃશ્યો સર્જાય છે, ત્યારે વરસાદનું જોર વધવાની અને સારો વરસાદ થવાની શક્યતાઓ રહે છે. આ અદ્ભુત નજારો જોઈને લોકોમાં વરસાદની આશા પણ વધુ મજબૂત બની છે. આ કુદરતી ઘટનાએ આખો દિવસ સ્થાનિકોમાં ચર્ચાનો વિષય બન્યો હતો.
સૂર્યવલય એ એક અદ્ભુત કુદરતી ઘટના છે જેને વૈજ્ઞાનિક ભાષામાં ‘સન હેલો’ (Sun Halo) કહેવામાં આવે છે. આ ઘટના ત્યારે બને છે જ્યારે સૂર્યની આસપાસ એક રંગીન અથવા સફેદ ગોળાકાર વલય (રીંગ) જોવા મળે છે, જે મેઘધનુષ જેવું દેખાય છે.
SUN HELO SEEN IN JAFFRABAD : સૂર્યવલય એ એક પ્રકાશીય ઘટના છે. તે સૂર્યના કિરણો વાતાવરણમાં રહેલા અત્યંત ઝીણા બરફના કણો સાથે પ્રત્યાઘાત પામે ત્યારે સર્જાય છે. આ બરફના કણો ઉચ્ચ ઊંચાઈ પરના પાતળા, સફેદ સિરરસ વાદળોમાં હોય છે. આ બરફના કણો ષટ્કોણ (hexagonal) આકારના હોય છે અને તે કુદરતી પ્રિઝમ તરીકે કામ કરે છે. જ્યારે સૂર્યપ્રકાશ આ કણોમાંથી પસાર થાય છે, ત્યારે તેનું વક્રીભવન (refraction) થાય છે અને પ્રકાશ 22 ડિગ્રીના ખૂણે વળી જાય છે. આ જ કારણોસર આ વલય સૂર્યની આસપાસ એક નિશ્ચિત અંતરે દેખાય છે.
SUN HELO SEEN IN JAFFRABAD : સૂર્યવલય મુખ્યત્વે નીચેની પરિસ્થિતિઓમાં જોવા મળે છે:
આકાશમાં ઊંચાઈ પર સિરરસ વાદળો (Cirrus Clouds) હોય ત્યારે આ ઘટના બને છે. આ વાદળો સામાન્ય રીતે પાતળા અને સફેદ હોય છે. એ ઊંચાઈ પર બનતા પાતળા, સફેદ વાદળો છે. આ વાદળો રેશમના તાંતણા જેવા અથવા પીંછા જેવા દેખાય છે.
SUN HELO SEEN IN JAFFRABAD : આ વાદળોમાં રહેલા બરફના કણોનું સ્થાન અને સૂર્યના કિરણોનું વક્રીભવન યોગ્ય રીતે થાય ત્યારે જ આ નજારો જોઈ શકાય છે.
SUN HELO SEEN IN JAFFRABAD : જ્યારે સૂર્યનો પ્રકાશ તેજસ્વી હોય અને આકાશ સ્વચ્છ હોય, ત્યારે આ વલય વધુ સ્પષ્ટ દેખાય છે.
સામાન્ય રીતે, સૂર્યવલય કોઈપણ ઋતુમાં જોવા મળી શકે છે, પરંતુ શિયાળા અને ચોમાસા જેવી ઋતુઓમાં વાતાવરણમાં ભેજ અને બરફના કણોની હાજરીને કારણે તેના દેખાવાની શક્યતા વધુ રહે છે. લોકોમાં એવી માન્યતા પણ પ્રવર્તે છે કે સૂર્યની આસપાસ આવું વલય દેખાય ત્યારે વરસાદ થવાની સંભાવના વધી જાય છે.