IMD માર્ચમાં જ કાળઝાળ ગરમીની એન્ટ્રી, ડીસામાં 34.2°C સાથે પારો ચડ્યો
IMD રાજ્યમાં માર્ચની શરૂઆત સાથે જ ઉનાળાએ તીવ્ર રૂપ ધારણ કર્યું છે. હવામાન વિભાગની આગાહી મુજબ આ વર્ષે એપ્રિલ જેવી ગરમી માર્ચમાં જ અનુભવાઈ રહી છે અને મહિનાના અંત સુધીમાં તાપમાન 40 ડિગ્રી સુધી પહોંચી શકે છે. ખાસ કરીને સૌરાષ્ટ્ર અને કચ્છ વિસ્તારમાં ગરમીનો પ્રભાવ વધુ રહેવાની શક્યતા છે.
IMD ડીસામાં સૌથી વધુ 34.2 ડિગ્રી
ઉત્તર ગુજરાતના ડીસામાં સૌથી વધુ 34.2 ડિગ્રી સેલ્સિયસ તાપમાન નોંધાયું છે. રાજ્યના મોટા ભાગના શહેરોમાં મહત્તમ તાપમાન 35 ડિગ્રી આસપાસ રહેવાની શક્યતા છે. મધ્ય ગુજરાતના અમદાવાદ અને ગાંધીનગરમાં પણ ગરમીનો માહોલ વધી રહ્યો છે.
IMD પાંચ દિવસ ઉકળાટભર્યું વાતાવરણ
India Meteorological Department (IMD)ના વૈજ્ઞાનિક પ્રદીપ શર્માના જણાવ્યા અનુસાર આગામી પાંચ દિવસ સુધી ઉકળાટભર્યું વાતાવરણ રહેશે. તાપમાનમાં 1થી 2 ડિગ્રીનો વધારો થઈ શકે છે. સૌરાષ્ટ્ર અને કચ્છમાં બપોરે તાપમાન 38થી 40 ડિગ્રી સુધી પહોંચી શકે છે.
IMD હિટવેવના દિવસો વધી શકે
હવામાન વિભાગ અનુસાર આ વર્ષે હિટવેવના દિવસોની સંખ્યા સામાન્ય કરતાં વધુ રહી શકે છે. જો મેદાની વિસ્તારોમાં તાપમાન 40 ડિગ્રી પાર કરે અને ગરમ પવન ફૂંકાય તો તેને ‘લૂ’ ગણવામાં આવે છે. જ્યારે તાપમાન 47 ડિગ્રી સુધી પહોંચે, ત્યારે તે ખતરનાક હીટવેવ ગણાય છે.
IMD હીટ સ્ટ્રોકનો ખતરો
શરીરનું સામાન્ય તાપમાન 37 ડિગ્રી સેલ્સિયસ હોય છે. બહારનું તાપમાન 40-45 ડિગ્રી સુધી પહોંચી જાય ત્યારે લાંબા સમય સુધી તડકામાં રહેવું જોખમી સાબિત થઈ શકે છે. શરીરનું તાપમાન વધીને નિયંત્રણ બહાર જાય તો હીટ સ્ટ્રોક થઈ શકે છે.
IMD નિષ્ણાતોની સલાહ મુજબ બપોરના સમયે અનાવશ્યક બહાર ન નીકળવું, પૂરતું પાણી પીવું અને તડકાથી બચાવ માટે જરૂરી તકેદારી રાખવી જરૂરી છે.
આ વર્ષે માર્ચથી જ ગરમીના કડકડાટને ધ્યાનમાં રાખીને નાગરિકોએ સતર્ક રહેવું જરૂરી બન્યું છે.