આણંદનાં આંકલાવ શહેરનાં બસ સ્ટેશન પાસે એક વ્યક્તિ આખલા સાથે રમત કરી રહ્યો હોવાનો વીડિયો સોશિયલ મીડિયા પર વાયરલ થવા પામ્યો હતો.
છેલ્લા ઘણા સમયથી ગાય તેમજ આખલાએ લોકોને ઈજા પહોંચાડવાના અનેક બનાવ બનવા પામ્યા છે. પરંતું તે બનાવમાં આખલાને છંછેડ્યાં વગર આખલાએ તેમજ ગાયે લોકોને અડફેટે લીધા છે. પરંતું એક વ્યક્તિ આખલા સાથે રમત કરતા આખલાએ અડફેટે લીધાનો એક વીડિયો સોશિયલ મીડિયામાં વાયરલ થયો છે.
આંકલાવમાં આંખલા સાથેની રમત વ્યક્તિને ભારે પડી
આંકલવા શહેર બસ સ્ટેશનમાં રોડ પરથી એક વ્યક્તિ પસાર થઈ રહ્યો હતો. તે દરમ્યાન અચાનક તેને રોડની સાઈડમાં ઉભેલ આખલાને વ્યક્તિ દ્વારા છંછેડ્યો હતો. ત્યારે આખલા સાથે રમત કરતા તેની સામે સૂઈ ગયો હતો. ત્યારે છંછેડાયેલા આખલાએ વૃદ્ધ પર હુમલો કરતા વૃદ્ધ ગભરાઈ ગયો હતો. ત્યારે આ સમગ્ર ઘટના ત્યાં ઉભેલ લોકો દ્વારા મોબાઈલમાં કેદ કરી સોશિયલ મીડિયા પર વાયરલ કરી હતી. આ ઘટના સમગ્ર આંકલવા શહેરમાં સૌ કોઈ માટે મનોરંજન બનવા પામી હતી.